ПкIауэхэр нэхъ IэзэжтГъатхэм и удз щхъуантIэхэм зэуэ къыхэтIысхьащ пкIауэ цIыкIухэр. Махуэм ахэр мамырщ, ауэ жэщ зэрыхъуу, я цIру макъым ихъуреягъыр зэщIещтэ. Иужьрей зэманым щIэныгъэлIхэр щIэх-щIэхыурэ тепсэлъыхь хъуащ, цIыхухэмкIэ зэраныгъэ лъэпкъ зыбгъэдэмылъ апхуэдэ псэущхьэ къэзылъэтыхь цIыкIухэм я дуней тетыкIэм зихъуэжу зэрыхуежьам. Къапщтэмэ, хэт игугъэнт мэшбэв цIыкIухэр дзакъэ хъуну? Пэжщ, ар зыхэпщIэн хуэдэуи щыткъым, ауэ зэи мыдзэкъар дзакъэ щыхъум деж, щхьэусыгъуэр къыщылъыхъуапхъэр дунейм и щытыкIэм игъуэт зэхъуэкIыныгъэхэрщ; абыхэм я псэупIэ щIыуэпсым цIыхур хоIэбэ, ехъуэж, еубыдыпэ. Апхуэдэхэм деж псэущхьэхэм я нэхъ цIыкIу дыдэми зэрызихъумэжын Iэмал а щIыуэпсым кърет. Губгъуэхэр, шыгъуэгу хадэхэр зи псэупIэ пкIауэхэм, шынагъэ гуэр къызэрыкъуэкIыу, псы гъуэжьыфэ къызэрызыпхадзым япэу гу лъызыта, Америкэм и щIэныгъэлIхэм а пкъыгъуэ ткIуаткIуэр зэрызэхэтыр къапщытэри, дихлорфенол къыхагъуэтащ. А пкъыгъуэм ущрихьэлIэр зэзэмызэххэт икIи псом нэхърэ нэхъ гъэщIэгъуэныр, ар зезыхьэ пкIауэхэм щрихьэлIар къэралым и ипщэ лъэныкъуэм и закъуэт. Апхуэдэ къэхутэныгъэщIэм къежьапIэ хуэхъуар къалъыхъуэурэ, икIэм-икIэжым, къагъуэтащ: пкIауэхэм зэрызахъумэжыну «Iэщэр» - дихлорфенолыр - Iэзэу къыхахырт бжьэхуц губгъуэхэм зэрелэжь гербицидхэм.
Поделиться:
Читать также:
28.04.2024 - 17:33 →
Псыхэр къабзэ хъун папщIэ
28.04.2024 - 13:01 →
Архитекторхэм я зэфIэкIхэр
28.04.2024 - 11:59 →
Пэрыт увыпIэр адэкIи иIыгъынущ
28.04.2024 - 10:57 →
ПсэупIэщIэхэр - гуфIэгъуэ щIыкIэм тету
27.04.2024 - 16:12 →
ЩIыуэпсым хэт пэлъэщыфар?!
|