Адыгэ пщащэм и ехъулIэныгъэЛос-Анджелес и Долби театрым, хабзэ зэрыхъуауэ, «Оскар» саугъэтыр щатащ. «Анимацэ фильм нэхъыфI» Iыхьэм а саугъэтыр къыщихьащ Тыркум хыхьэ Корум къалэм щыпсэу адыгэ унагъуэм къыщыхъуа Кайдере Мерве, «Пиноккио Гильермо дель Торо» мультфильмым и анимацэ, сценографие лэжьыгъэхэм папщIэ. Мерве и адэр Тыркум хыхьэ Чорум-Сарайджыклы щыщ беслъэней адыгэщ, и анэр шапсыгъ адыгэщ. Мерве Хаджеттепе къэрал университетым архитектурэмрэ дизайнымкIэ и факультетыр ехъулIэныгъэкIэ къиухащ. 2015 гъэм пщащэр Америкэм и Штат Зэгуэтхэм кIуащ, аспирантурэм и щIэныгъэм щыпищэну. Ар сценографистуи лэжьащ. Мерве зыхэта унэтIыныгъэм «Оскар» саугъэтым щыщIэкъуащ цIыхуитхум я лэжьыгъэ, ауэ пщащэм и анимацэр нэхъыфIу къалъытащ.
Поделиться:
Читать также:
27.04.2024 - 12:26 →
Бжэ зэIухахэм я махуэ
27.04.2024 - 12:18 →
Гугъуехьыр пщIэншэ хъуакъым
27.04.2024 - 12:02 →
Гъатхасэр и гуащIэгъуэу йокIуэкI
27.04.2024 - 11:00 →
Сом мелуанитхум щIигъу
26.04.2024 - 15:42 →
Фэеплъ жыг хадэхэр ягъэтIысынущ
|