Узэкъуэтмэщ терроризмэмрэ экстремизмэмрэ щыпхуэгъэкIуэдынур

КъБР-м и Iэтащхьэ КIуэкIуэ Казбек хэтащ Урысейм и У­ФСБ-м Къэбэрдей-Балъкъэ­рым щи­Iэ къудамэм и унафэщI Громушкин Пётр иригъэкIуэкIа зэIущIэм. Ар теухуауэ щытащ террорист щIэпхъаджагъэ къэхъуну шынагъуэ зэрыщыIэмкIэ жылагъуэм хъыбар егъэ­щIэ­ным, терроризм щымыгъэIэ­ным Iэмалхэр къыхуэгупсы­сыным.

ЗэIущIэм кърихьэлIащ Лъэп­къ антитеррористическэ комитетым и лIыкIуэ Пржездомский Андрей, КъБР-м и антитеррористическэ комиссэм хэтхэр, ми­нис­терст­вэхэм, къулыкъущIапIэхэм я унафэщIхэр. Ар къыщызэIуихым, Громушкин Пётр къыхигъэщащ терроризмэмрэ экстремизмэмрэ узэ­рыпэщIэтыфынур къэрал ­къулыкъущIапIэхэмрэ щIыпIэ са­мо­управленэхэмрэ, хабзэхъумэ Iэ­­на­тIэхэмрэ жылагъуэмрэ зэры­зэдэлажьэм куэдкIэ зэрелъытар. Нобэ щIэпхъаджагъэ къэхъу­нымкIэ шынагъуэ зэрыщыIэр цIыхубэм ебгъэщIэныр, апхуэдэ зыгуэр къэхъу хъужыкъуэми, бэ­лыхь къыхэмыкIыу гъэзэ­кIуэ­жыныр къызэрызэрагъэпэщыф иджырей Iэмалхэр зэрыщыIэм и фIыгъэкIэ, къэхъукъащIэр нэхъ мащIэщ.
Лъэпкъ антитеррористическэ комитетым и лIыкIуэм къызэхуэсахэм гу лъаригъэтащ Украинэм щекIуэкI дзэ Iуэху хэхар къызэрыхъейрэ зэбграгъэх хъыбар нэпцI­хэр куэд зэрыхъуам, щIалэ­гъуалэр Iуэху мыщIагъуэхэм къы­зэрыхураджэм. Апхуэдэуи къыхигъэщащ террорист щIэпхъаджагъэхэм щIалэгъуалэр нэхъыбэу хашэну иужь зэритыр.
Лъэпкъ антитеррористическэ комитетыр кърахьэкI хъыбар псоми занщIэу иужь йохьэ, ауэ мыхьэнэшхуэ иIэщ жылагъуэ зэгухьэныгъэхэр, щIалэгъуалэ зэ­щIэхъееныгъэхэр, хъыбарегъащIэ IэнатIэхэр Iуэхум зэрыхуэ­жыджэрми.
ЗэIущIэм хэтахэр зэгурыIуащ цIыхухэм нэхъ тыншу, псынщIэу хъыбар зэрыпхуегъэщIэну Iэмалхэр зыхуэдэмкIэ, икIи а Iуэхур зэ­рарагъэфIэкIуэну щIыкIэр ягъ­э­­белджылащ.
КIуэкIуэ Казбек тепсэлъы­хьащ зи гугъу ящIым теухуауэ езым и пщэ къыдэхуэ къалэнхэм икIи къыхигъэщащ цIыхухэм я шынагъуэншагъэр псом япэ зэригъэ­щыпхъэр.
Республикэ унафэщIыр щхьэ­хуэу къытеувыIащ щIалэ­гъуалэр терроризмэмрэ экст­ремиз­мэм­рэ хамышэным елэ­жьын зэры­хуейм. Къэбэрдей-Балъкъэрым  ­къы­­щызэ­ра­гъэпэ­ща ми­­нис­тер­с­твэщIэм щы­ла­жьэхэм я IэщIагъэр зэ­рыхагъа­хъуэр, рес­пуб­ликэ хъы­барегъа­щIэ­ IэнатIэхэр техникэ и лъэ­­ныкъуэкIэ нэхъ лъэщ зэращIыр дыщIи­гъуащ КIуэ­кIуэм.