Си къалэ дахэ

Иджыблагъэ ирагъэжьащ «Си къалэр си Iуэхущ» зи фIэщыгъэ II урысейпсо зэхьэзэхуэр. Ар екIуэкIынущ гъатхэпэм и 14-м къыщыщIэдзауэ фокIадэм и 1 ­пщIондэ. 

Iуэхур зытеухуар къалэр зэIузэпэщ, цIыхухэм зыщагъэпсэхуну гукъыдэж яIэн хуэдэу ар теплъафIэ щIынырщ, щIыналъэм экономикэм зыщегъэужьынырщ. ЩIалэгъуалэмрэ ныбжьыщIэхэмрэ къа­-лэр сыт хуэдэу щытын хуейуэ къалъытэ­-рэ? Абыхэм я Iуэху еплъыкIэр лъабжьэ ­хуэхъунущ лэжьыгъэу зэфIахынум. 
Зэхьэзэхуэм хэт хъунущ илъэс 12-м къыщыщIэдзауэ илъэс 35-рэ зи ныбжьхэр.
Урысейпсо зэпеуэм и къызэгъэпэща­кIуэщ фейдэ къегъэщIыным пымылъ «Институт правового развития» IуэхущIапIэр, Федеральнэ ЦIыхубэ Советыр, Управ­ленэмкIэ къэрал университетыр, ЩIэныгъэхэмкIэ Урысей академием урысей тхыдэмкIэ и институтыр, ЩIы IуэхухэмкIэ къэрал университетыр, УФ-м и Феде­ральнэ Зэхуэсым и Къэрал Думэр я щIэгъэкъуэну, апхуэдэуи жылагъуэ, щIэныгъэ зэгухьэныгъэхэр. 
Зэпеуэм хэтыну хуей щIалэгъуалэр ирагъэблагъэ. 
Зэхьэзэхуэм и официальнэ сайтыр: https://inkult.ru/moygorod