Къэбэрдей-Балъкъэр Республикэм и Iэтащхьэм и Указ

Къэбэрдей-Балъкъэр Республикэм и Iэтащхьэм и деж Инвестицэхэмрэ хьэрычэтыщIэ лэжьыгъэмкIэ щыIэ советым теухуа Положенэу Къэбэрдей-Балъкъэр Республикэм и Iэтащхьэм 2015 гъэм мэлыжьыхьым и 13-м къыдигъэкIа Указ №49-УГ-мкIэ къащтам и 1-нэ пунктымрэ Къэбэрдей-Балъкъэр Республикэм и Iэтащхьэм и деж Инвестицэхэмрэ хьэрычэт лэжьыгъэмкIэ щыIэ совету Къэбэрдей-Балъкъэр Республикэм и Iэтащхьэм 2020 гъэм щэкIуэгъуэм и 25-м къыдигъэкIа Указ №151-УГ-мкIэ къащтам хэтхэм зэхъуэкIыныгъэхэр хэлъхьэнымрэ я IуэхукIэ

Къэбэрдей-Балъкъэр Республикэм и Iэтащхьэм и

 Указ

1. Къэбэрдей-Балъкъэр Республикэм и Iэтащхьэм и деж Инвестицэхэмрэ хьэрычэтыщIэ лэжьыгъэмкIэ щыIэ совету «Къэбэрдей-Балъкъэр Республикэм и Iэтащхьэм и деж Инвестицэхэмрэ хьэрычэтыщIэ лэжьыгъэмкIэ щыIэ советым и IуэхукIэ» Къэбэрдей-Балъкъэр Республикэм и Iэтащхьэм 2015 гъэм мэлыжьыхьым и 13-м къыдигъэкIа Указ №40-УГ-мкIэ къащтам теухуа Положенэм и 1-нэ пунктым зэхъуэкIыныгъэ хэлъхьэн абы мыпхуэдэ Iыхьэ щIыгъужауэ:
«Советым апхуэдэу егъэзащIэ ивестицэ лэжьыгъэ ирагъэкIуэкIын папщIэ IэмалыфIхэр къызэрагъэпэщын, инвестицэ лэжьыгъэм хэтхэм я хуитыныгъэхэмрэ хабзэкIэ я сэбэп зыхэлъхэмрэ яхъумэн, инвесторыр Къэбэрдей-Балъкъэр Республикэм и къэрал властым игъэзэщIакIуэ органхэм, щIыпIэ самоуправленэм и органхэм, Къэбэрдей-Балъкъэр Республикэм и щIыналъэм инвестицэ проектхэр щыпхыгъэкIыныр зэтезыухуэ IуэхухэмкIэ уполномоченнэ IуэхущIапIэхэм зэрагурымыIуэхэр, абыхэм яку къыдэхъуэ зэныкъуэкъухэр судым нэмысу зэфIагъэкIын мурадкIэ Къэбэрдей-Балъкъэр Республикэм и инвестицэ декларацэм Къэбэрдей-Балъкъэр Республикэм и инвестицэ комитетым и пщэ къыдилъхьа къалэнхэр».
2. «Къэбэрдей-Балъкъэр Республикэм и деж Инвестицэхэмрэ хьэрычэтыщIэ лэжьыгъэмкIэ щыIэ Советым теухуа Положенэмрэ 2015 гъэм мэлыжьыхьым и 13-м къыдигъэкIа Указ №49-УГ-мкIэ къащтамрэ Къэбэрдей-Балъкъэр Республикэм и Iэтащхьэм и деж Инвестицэхэмрэ хьэрычэтыщIэ лэжьыгъэмрэкIэ щыIэ Советым хэтхэмрэ мыпхуэдэ зэхъуэкIыныгъэхэр хэлъхьэн:
а) Советым хэтхэм яхэгъэхьэн Къалэ А. Хь. -Урысей Федерацэм и Центральнэ банкым и Ипщэ унэтIыныгъэ нэхъыщхьэм и Къудамэу-Лъэпкъ банкыу Къэбэрдей-Балъкъэр Республикэм щыIэм и унафэщIыр (зэрызэгурыIуам тету);
б) Джатокъуэ А. И. и къулыкъум и цIэр мыпхуэдэу тхын: «Жэуап зэхэгъэщхьэхукIа зи пщэ дэлъ «Налшык-Сладость» обществэм и генеральнэ директор» (зэрызэгурыIуам тету);
в) Къылъшыкъуэ А. И. и къулыкъур мыпхуэдэу тхын: «ХьэрычэтыщIэ лэжьыгъэ цIыкIумрэ курытымрэ я «ОПОРА» России» урысейпсо жылагъуэ зэгухьэныгъэм и Къэбэрдей-Балъкъэр Республикэм и къудамэм и унафэщI (зэрызэгурыIуам тету)»;
г) Джыназ А. А. и къулыкъур мыпхуэдэу тхын зэхэгъэщхьэхукIа пщэрылъ щахь «Отбор» селекцэ-жылапхъэ центр» обществэм и унафэщI» (зэрызэгурыIуам тету);
д) Курданов Р. Хъ. и къулыкъур мыпхуэдэу тхын: «И щхьэ хуэлэжьэж хьэрычэтыщIэ» (зэрызэгурыIуам тету);
е) Советым хэтхэм яхэгъэкIын КIэрэф М. А, Къумыкъу А. А.
 3. Мы Указым къару егъуэт Iэ щыщIэздза махуэм щегъэжьауэ.
Къэбэрдей-Балъкъэр Республикэм и Iэтащхьэ КIуэкIуэ Казбек
Налшык къалэ
2023 гъэм гъатхэпэм и 31-м
№32-УГ