Шхын куэдым гу Iув уещIХьэнбэл и къуэ Ахьмэд муслъымэн мэсхьэб еплIанэм и лъабжьэр зыгъэтIылъа хьэлимышхуэщ. Мы тхыгъэм къыщытхьа жыIэгъуэ кIэщIхэр Iэбу Дунья цIэмкIэ тхыдэм къыхэна абы и къуэм «МэжэлIэным теухуа тхылъ» зыфIищам къитхащ. Хьэдис хъуми, пщIэшхуэ зиIэ цIыхухэм далъэгъуа хьэлми, Iэбу Дунья и тхылъым щызэхуихьэсащ нэхъ мащIэ пшхыху, уи дин лэжьыгъэр нэхъ зэрефIакIуэр уи фIэщ зыщI щапхъэ дахэхэр.
* * *
Бегъымбар лъапIэу щэлатымрэ сэламымрэ зэхам ипхъу ФатIимэ Хьэсэн и къуэ Абдулыхь и анэшхуэу щытащ. Унагъуэм щызэIэпах хьэдисхэм язт мыри: «Си Iумэтым нэхъ Iейуэ хэтынухэр тхъэгъуэм хэмыкIхэращ: шхын щIэщыгъуэхэр яшхыу, щыгъын щIэращIэхэмкIэ захуапэу, езыхэри псэлъэрейхэу».
* * *
Лэкъумэн махуэр и къуэм зэреущияхэм щыщ: «Уа, си щIалэ! Уи ныбэ изу умышхэ, сыту жыпIэмэ, ерыскъы куэдыр узыфэхэм я тIысыпIэщ».
***
Даут бегъымбарым и къуэ Сулеймэн бегъымбарым (тIуми Тхьэм фIы къахуищIэ) цIыхухэм щIакхъуэ хужь яригъэшхырт, езым ишхыр хьэ хьэжыгъэ пхъашэм къыхэщIыкIат.
* * *
Япэрей муслъымэнхэм упшэрыныр гуэныхь птелъыным хуэдэ дыдэу напэтехыу къалъытэрт.
* * *
Пшэр фыхъуным фыхуэсакъ, абы гущIэгъуншэ уещI, - жиIэу щытащ Къайс и къуэ Iэмр.
* * *
Iэбдурэхьман и къуэ Хъусен жиIащ: «Лы лей къэпщтамэ, гъур ухъужыху уныкъуэдыкъуэу зыкъэлъытэж».
* * *
Iибн Iэрэбий и псалъэ: «Хьэрыпхэм жаIэ хабзэщ: «ЦIыхур зэуэ пшэруи Iуэхум жьы щIэту тегушхуэуи щытыфынукъым».
* * *
Алыхьыр арэзы зыхуэхъун ХьаIишэ и псалъэу Iурвэ къеIуэтэж: «ЛIыкIуэ лъапIэу Алыхьым и нэфIыр зыщыхуар дунейм зэрехыжрэ Iумэтым ныбэизыгъэм нэхърэ нэхъ бэлыхьышхуэ къатехуакъым. Сыту жыпIэмэ, цIыхухэр я ныбэ изу щышхэкIэ, я Iэпкълъэпкъыр пшэр, ягухэр быдэ, езыхэри хъуапсэрилэ мэхъу».
* * *
Iэбу ТIалиб и къуэ Хьэлий, ХъэтIаб и къуэ Умар (тIуми Алыхьыр арэзы къахухъу) мыпхуэдэу жриIэрт: «Уи ныбжьэгъуитIым (Бегъымбар лъапIэмрэ Iэбу Бэкррэ) ахърэтым уащыхуэзэжыну ухуеймэ, уи гуращэхэр нэхъ мащIэ щIы, уи ныбэ изу умышхэ, уи джанэр дыж, уи бгырыпхыр щIэкъузэ, уи вакъэр лажьэ».
* * *
Динар и къуэ Мэлыч жиIауэ къаIуэтэж: «ЦIыху губзыгъэм шхынымрэ щыгъынымрэ зыдригъэхьэхынукъым».
Ардыдэм жиIэрт: «ЗыгъэмэжэлIэным пагагъыр ирехужьэ, ныбэизыгъэр абы къару хуохъу».
Поделиться:
Читать также:
04.05.2024 - 09:00 →
Музейм и накъыгъэ гъэлъэгъуэныгъэхэр
03.05.2024 - 14:24 →
ЦIЫХУР ЗЫХУЩЫIЭР ЦIЫХУРАЩ
03.05.2024 - 10:01 →
Куржы фIэщыгъэхэм я тхыдэ лъабжьэхэр
30.04.2024 - 13:00 →
Гъатхэмэ къапех
29.04.2024 - 10:01 →
Дахагъэ къэзыгъэщI
|