Зи ужь ихьахэр нагъэсыпхъэщ

УФ-м ЩIыналъэхэм зегъэужьынымкIэ и комиссэм и Президиумым и зэхуэсу видеоконференц IэмалкIэ къызэрагъэпэщам хэтащ КъБР-м и Iэтащхьэ КIуэкIуэ Казбек. Ар иригъэкIуэкIащ УФ-м и Правительствэм и УнафэщIым и къуэдзэ Хуснуллин Марат.

 ЗэIущIэм щытепсэлъыхьащ лъэпкъ, федеральнэ проектхэм. Къэбэрдей-Балъкъэрым иджыпсту ухуэныгъэ 270-м щолэжь. А бжыгъэм хеубыдэ егъэджэныгъэм епха объект 60, узыншагъэмрэ щэнхабзэмрэ зыщрагъэужьхэри яхэту. КъинэмыщIауэ, школхэм, поликлиникэхэм, щэнхабзэмкIэ унэхэм, коммунальнэ, гъуэгу инфраструктурэм епхахэм йолэжь. Ахэр яухмэ, республикэм щыпсэухэм я псэукIэр ефIэкIуэнущ. 
 Штабым и зэIущIэм щытепсэлъыхьащ 2024 - 2026 гъэхэм яутIыпщыну инвестицэ проектхэм. Хуснуллин Марат къыхигъэщащ «Ухуэныгъэ» къэрал программэм хэтхэр япэ игъэщын зэрыхуейр, зи ужь ихьа проектхэр и кIэм нагъэсыпхъэщ, ухуэныгъэ ныкъуэщIхэр ямыгъэбэгъуэн папщIэ.