Школ автобусхэр къапщытащГъэ еджэгъуэщIэм щIидзэжыным ипэ къихуэу Урысей МВД-м и Управленэу Налшык къалэм щыIэм и Къэрал автоинспекцэм и лэжьакIуэхэм, КъБР-м щыIэ МВД-м и Жылагъуэ советым и лIыкIуэхэу ЦIыпIынэ Заремэрэ ШкIэжь Ирэнэрэ ящIыгъуу къапщытащ сабийхэр къызэрырашэкI транспортхэм я техникэ щытыкIэр, ахэр сыт и лъэныкъуэкIи шынагъуэншэу щытыным зэрыхуэщIар. Мыпхуэдэ Iуэхухэм я купщIэ нэхъыщхьэр сабийхэм шынагъуэншагъэр къызэгъэпэщынымрэ цIыхухэр къызэрырашэкI транспортхэр хэту гъуэгу къэхъукъащIэхэр къэмыгъэхъунымрэщ. Къэпщытэныгъэр щекIуэкIым гулъытэ хуащIащ сабийхэр къешэкIыным пыщIауэ рулым дэсхэр а лэжьыгъэм зэрыхуэщIар - «D» категорием хыхьэ транспортхэр зезыгъакIуэхэм я стажымрэ административнэ жэуапым ирашэлIамэ зрагъэщIащ. Транспортхэр къапщыта иужькIэ полицэм и лэжьакIуэхэм, Жылагъуэ советым и лIыкIуэхэм псалъэмакъ щхьэпэхэр драгъэкIуэкIащ шоферхэм. Ягу къагъэкIыжащ балигъ мыхъуахэр къыщрашэкIкIэ гъуэгум зэрыщызекIуэ хабзэхэр Iэмал имыIэу ягъэзэщIэн зэрыхуейр, апхуэдэуи сабийхэм я гъащIэмрэ узыншагъэмкIэ жэуап зэрахьыр. БАХЪСЭН Азэмэт.
Поделиться:
Читать также:
01.05.2024 - 10:01 →
ЗэчиифIэм и щапхъэ
01.05.2024 - 08:58 →
Дызэкъуэтмэ, дызэрыIыгъмэ...
30.04.2024 - 12:00 →
Италием бзылъхугъэу исым дахагъэкIэ ефIэкI адыгэ анэт
30.04.2024 - 10:00 →
Интернет хабзэншагъэм зэгъусэу пэщIоувэ
30.04.2024 - 09:00 →
КхъухьлъатэхэмкIи зызэпащIэ
|