Хэт Анапэ щыпсэуар?

30 августа, 2023 - 13:37

Ди эрэм и I, II лIэщIыгъуэхэм Боспор пащтыхьыгъуэм хиубыдэ Горгипие къалэм Алыджым сату дищIу щытащ фэмкIэ, фомкIэ, гуэдзымкIэ, мэ дахэ зыщыу дыхухэмкIэ, шагъырымкIэ.
Апхуэдэу екIуэкIыурэ, Анапэ къыщыунэхуащ езыхэм я жызумей хадэхэмрэ абы елэжь IуэхущIапIэ цIыкIухэмрэ. Зэманыр нобэ здынэсам, дунеяплъэ къэзыкIухьхэр щIоупщIэ античнэ лъэхъэнэм а щIыпIэр зи псэупIэу щыта лъэпкъымрэ абы и псэукIамрэ.
Иджыблагъэ Анапэ щIыналъэм и Винограднэ жылагъуэм къыщызэIуахащ энологие туризмэмкIэ Iыхьэ куэду зэхэт центр. Абы и къалэн нэхъыщхьэр зэман жыжьэм абдежым щыпсэуа лъэпкъым и къежьапIэм, и тхыдэ жыжьэм, и гуащIэдэкIым дунеяплъэ къэзыкIухьхэр щыгъэгъуэзэнырщ.
 «ARISTOV VILLA» зыфIаща а центрым апхуэдэу хэтщ урысей, хамэ къэрал сурэтыщIхэм а щIыпIэмрэ абы щыпсэуахэмрэ ятеухуа я IэдакъэщIэкI куэд. Гъэмахуэ - бжьыхьэ зыгъэпсэхугъуэ зэманым къриубыдэу абы зыщаплъыхьыну Iэмал ягъуэтынущ цIыху мелуани 5-м. IуэхущIапIэм и зэфIэкIхэм адэкIи зрагъэубгъуну я мурадщ: абы къыщызэIуахынущ жызумым нобэ къыхащIыкI фадэхэмрэ нэгъуэщI ерыскъыхэмрэ я гъэлъэгъуапIэ, конгресс-холл, концерт гъэлъэгъуапIэ, музей, парк, топджэгупIэ.

 

Шэрэдж Дисэ.
  • 36 просмотров
Поделиться:

Читать также:

26.04.2024 - 17:06 → Тызылыкъуэр пэщIэдзэт
22.04.2024 - 16:16 → Зы мащэм цIыху 233-рэ
22.04.2024 - 14:55 → АдыгэлIым и цIэмрэ и картэмрэ
19.04.2024 - 16:34 → Нартхэм я ныбжьыр
17.04.2024 - 12:43 → Шуудзэ хъыжьэм и тхыдэ напэкIуэцI