Шэджэмокъуэ Хьэсаншрэ Къэзанш Дасусэрэ я уэрэдырКъардэнгъущI Зырамыку зэритхыжымкIэ, бийм яIэщIэкIуэда Хьэсанш и хьэдэр гум къралъхьэри Къэзанш Дасусэрэ и жэмхэгъасэ хъыджэбзымрэ къежьэжащ. КъыздэкIуэжым, Дасусэм уэрэд иусащ. – Сэ гъащIэ сиIэкъым, уэрэдыр уэ зэгъащIэ, – жиIэри и гъусэ хъыджэбзым уэсят къыхуигъанэри Дасусэри дунейм ехыжащ. ТIури зы мащэм иралъхьэжауэ ягъэхъыбар. Уэрэдыр жэмхэгъасэм иIуэтэжри, цIыхубэм къахэнащ. Уо-уой, и гугъэмрэ, рэ-ией, уэукъэ, дэней, и жеймрэ адэ щIэиныфIт, Уо-уой, фIым дыщыгугъыурэ, рэ ией, Уэукъэ, рэуэ ией, махуаери, дуней, къытщIозэрыхь. Уо-уой, махуаери, уей дуней, зыщIэзэрыхьри, Уэукъэ, рэуэ ией, Шэджэмокъуэм и къуэкIэ Хьэсаншт. Уо-уой, ХьэсаншкIэ зэджэри, Уэукъэ, рэуэ ией, а махуэм, дуней, лIы фIыцIэ ест! Уо-уой, лIы ес щхьэкIэрэ, ией, Уэукъэ, рэуэ ией, а махуэм жыгыщхьэрыст! Уо-уой, жыгыщхьэрысти, рэуэ ией, Уэукъэ, рэуэ ией, альтес къэпталыр зигъэкIэрахъуэурэ елажьэ. Уо-уои, ищхъэрэкIэ маплъэри, ией, Уэукъэ, рэуэ ией, а махуэм, фIыцIагъэжьыбэр къелъагъур. Уо-уой, фIыцIагъэжьыбэурэ, рэуэ ией, илъагъури, Уэукъэ, рэуэ ией, хьэжэбэжащэкIэ а махуэм фIэкуэдкъэ. Уоу-уой, хъунщIэ къащIынкIэ, рэуэ ией, Уэукъэ, рэуэ ией, а махуэм Хьэсаншым фIэмащIэт. Уо-уой, зафIимыгъэщIурэ, рэуэ ией, Уэукъэ, рэуэ ией, пцIэгъуэплъ пхэщIыбгъуэр нызэщIекъузэ. Уо-уой, нэгъуей фызышэти, рэуэ ией, Уэукъэ, рэуэ ией, Хьэсаншым закъыIуегъащIэ. Уо-уой, хэтхэ уащыщ? - жаIэри, Уэукъэ, рэуэ ией, нэгъуей фызышэр Хьэсаншым къоупщIыр. Уо-уой, хэтхэ сащыщми, рэуэ ией, Уэукъэ, рэуэ ией, нобэр махуэщи зывэзгъэщIэнщ, жи. Уо-уой, пцIэгъуэплъым ноуэри, рэуэ ией, Уэукъэ, рэуэ ией, вагъэбдзумищыр шы лъабжьэм хыфIрегъадзэ! Уо-уой, шы бгъуэщIым зыныредзыжри, рэуэ-ией Уэукъэ, рэуэ ией, и сагъындакъыр зэфIэдзагъэххэт! Уо-уой, я гупхэтIэкIумрэ, уей дуней, Уэукъэ, рэуэ ией, я гулъэмыжымрэ Хьэсаншым зэтреIулIэ. Уо-уой, нафIрехулIэри, рэуэ-ией, Уэукъэ, рэуэ ией, къэдабэ гущхьэр яфIытредзыр. Уо-уой, Дадусэ дахэри, уей дуней, Уэукъэ, рэуэ ией, и пщэрыдзэнурэ банапцIэ чэум яфIыхохьэжыр. Уо-уой, къурашэмрэ, уей дуней, къурапцIэмрэ Уэукъэ, рэуэ ией, банапцIэ чэути, лыгъае мафIэр нырадзыр. Уо-уой, зэхэздзыжынути, уей дуней, Уэукъэ, рэуэ ией, а махуэм Iэжьэгъур си бэт. У-уой, ХьэсаншкIэ зэджэми, Уэукъэ, рэуэ ией, и бзэ плъыжьитIыр мэцIычэ. Уо-уой, и бзэ цIыч макъымэ, уей дуней, Уэукъэ, рэуэ ией, а махуэм лъэнкIампIэр щIегъащIэ. Уо-уой, урыс хъыджэбзхэри, уей дуней, Уэукъэ, рэуэ ией, а махуэм зыхуагъэлъагъуэ. Уо-уой, мы лъагъуэ закъуэмэ, уей дуней, Уэукъэ, рэуэ ией, а махуэм лъыпсае жагъуэр трашэ. Уо-уой, кхъуафэр зи шырыкъужьхэри, Уэукъэ, рэуэ ией, къуэ нэфмэ къызэрыдох. Уо-уой, Иуанымрэ ИуашкIэмрэ Уэукъэ, рэуэ ией, а махуэм зи ныбжьэгъу щIасэ. Уо-уой, зи тыхь щIасэри, уей дуней, Уэукъэ, рэуэ ией, зи кхъэхэм щагъэтIылъыжыр Шэджэмокъуэм и къуэкIэ Хьэсаншт. Тедзэным хуэзыгъэхьэзырар ТАБЫЩ МУРАТЩ.
Поделиться:
Читать также:
17.05.2024 - 11:18 →
Къахьар Сосрыкъуэ ихьыжащ
16.05.2024 - 16:28 →
Бзэ тыншкIэ тхэуэ щытащ
15.05.2024 - 15:00 →
Я Лъахэ цIыкIу - «Прометей и лъахэ»
15.05.2024 - 12:44 →
ФIыуэ флъагъухэм закъевгъащIэ!
08.05.2024 - 13:05 →
ЩIэныгъэлI усакIуэхэр
|