Суздаль кIуэну загъэхьэзыр

6 февраля, 2024 - 09:07

Кавказ Ищхъэрэм алыдж-урым бэнэкIэмкIэ пашэныгъэр къыщыхьыным хуэунэтIа зэхьэзэхуэ иджыблагъэ Налшык къалэм щекIуэкIащ. Абы щызэпеуащ 2009 - 2011 гъэхэм къалъхуа ныбжьыщIэ 300-м щIигъу. Зэпеуэм хэтащ КИФЩI-м хыхьэ щIыналъэ псоми я лIыкIухэр.
Къэбэрдей-Балъкъэрым и командэм зэхьэзэхуэм медаль 15 къыщихьащ - дыщэу 4, дыжьыну 5, домбеякъыу 6.
Я хьэлъагъ елъытауэ зыхэта гупхэм щытекIуащ ТIэхъу Идар (кг 32-рэ), Дзу Аслъэн (кг 48-рэ), Лафыщ Рустам (кг 62-рэ), Хъуран Астемыр (кг 75-рэ) сымэ.
Зэхьэзэхуэм къыщыхэжаныкIахэм Iэмал ягъуэтащ УФ-м алыдж-урым бэнэкIэмкIэ пашэныгъэр къыщыхьыным хуэунэтIауэ мы гъэм мазаем Суздаль къалэм щекIуэкIыну зэпеуэм хэтыну.   

 

ХЬЭЩЫКЪУЕЙ Олег.
  • 61 просмотр
Поделиться: