Республикэм щыпашэхэр

10 февраля, 2024 - 08:24
Налшык къалэм и «Спартак» стадионым иджыблагъэ щекIуэкIащ КъБР-м дзюдомкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ республикэм и щIыналъэ псоми я лIыкIуэхэу зи ныбжьыр илъэс 23-рэ иримыкъуа спортсмену I00-м нэблагъэ. 
Къэбэрдей-Балъкъэрым СпортымкIэ и министерствэм хэIущIыIу ищIащ абы кърикIуахэр. Я хьэлъагъ елъытауэ зыхэта гупхэм щытекIуащ Пщыбий Амир, Жэмыхъуэ Марат, Ало Мухьэмэд, ТекIужь Астемыр, Абазэ Астемыр, Быф Идар, Мурзэбэч Iиляс сымэ.
Дыжьын медалхэр къахьащ Къуэн Руслан, Зэмбат Къантемыр, Къущхьэ Темырлан, Уянаев Магомед, Къуныжь Темырлан, Апхудэ Сулеймэн, Балъкъыз Залым сымэ. 
КъуэщIысокъуэ Идар, Байрамкулов Алим, Уэзы Iэдэм, Къумыкъу Астемыр, Шэджэм БетIал, Шулик Никитэ, Таумурзаев Умар-Алий, Тэркъан Атмир, Къанкъул Давид, Мамбэт Идар, Пышной Степан сымэ ещанэщ. 
Зэхьэзэхуэм къыщыхэжаныкIахэм Iэмал ягъуэтащ гъатхэпэм и I - 3 махуэхэм Кавказ Ищхъэрэм дзюдомкIэ пэшэныгъэр къыщыхьыным хуэунэтIауэ Ингушым и Назрань къалэм щекIуэкIыну зэпеуэм хэтыну.       
АЛЫДЖЫКЪУЭ Руслан.
  • 37 просмотров
Поделиться:

Читать также:

25.04.2024 - 17:30 → Олимп чемпионыр ящыгъупщэркъым
25.04.2024 - 17:00 → Кубокыр къыздашэ
23.04.2024 - 20:03 → Уанэш зэхьэзэхуэшхуэ
23.04.2024 - 17:06 → Гуп зэпеуэм япэ щыхъуащ
23.04.2024 - 15:26 → Урысейм щынэхъ лъэщхэр