Дыщэ медалым нэсахэкъым

10 февраля, 2024 - 12:25
Владикавказ къалэм иджыблагъэ щекIуэкIащ КИФЩI-м и щIыналъэхэм бэнэкIэ хуитымкIэ пашэныгъэр къыщыхьыным хуэунэтIа зэхьэзэхуэ. «Wrestlers of KBR» телеграм-каналым къызэритамкIэ, Осетие Ищхъэрэ – Аланием и къалащхьэм щызэпеуахэщ Кавказ Ищхъэрэм и бэнакIуэ ныбжьыщIэу 280-м щIигъу.
Къэбэрдей-Балъкъэрым и бэнакIуэхэм ящыщу зэхьэзэхуэм дыжьын медалхэр ди щIалитIым къыщахьащ. Килограмм 6I-рэ зи хьэлъагъхэм я деж щыбанэ Iэщын Алихъан зэпеуэм и кIэух зэхьэзэхуэр иригъэхьащ Дагъыстэным щыщ Мажидов Анзор. Килорамм 97-рэ хъухэм я деж зыкъыщызыгъэлъагъуэ ЕхъулIэ Азэмэти хузэфэкIакъым кIэух зэхьэзэхуэр хэгъэрей бэнакIуэ Карсанов Хетаг къыфIихьыну. Апхуэдэ щIыкIэкIэ, дыщэ медалхэр Осетие Ищхъэрэ - Аланием къыщынэжащ.
Иджы ди щIалитIыр хэтынущ Урысейм бэнэкIэ хуитымкIэ пашэныгъэр къыщыхьыным теухуауэ екIуэкIыну зэхьэзэхуэм. Мыбы ипэкIэ апхуэдэ Iэмал зригъэгъуэтащ Сыбыр федеральнэ щIыналъэм пашэныгъэр къыщыхьыным хуэунэтIауэ ирагъэкIуэкIа зэпеуэм дыжьын медалыр къыщызыхьа Улымбащ Аслъэнбэчи. 
ХЬЭЩЫКЪУЕЙ Олег.
  • 46 просмотров
Поделиться:

Читать также:

25.04.2024 - 17:30 → Олимп чемпионыр ящыгъупщэркъым
25.04.2024 - 17:00 → Кубокыр къыздашэ
23.04.2024 - 20:03 → Уанэш зэхьэзэхуэшхуэ
23.04.2024 - 17:06 → Гуп зэпеуэм япэ щыхъуащ
23.04.2024 - 15:26 → Урысейм щынэхъ лъэщхэр