Жылагъуэ

Коммунальнэ хозяйствэм и лэжьакIуэхэм уэсыр зэрытекIыу жыг щхьэкIэхэр яухъуэнщIащ. Мыгувэу абыхэм къудамэщIэхэр къыщызэщIэрыуэнущ, уэрамыбгъухэр, лъэс зекIуапIэхэр ягъэдахэу.
Лениным и цIэр зезыхьэ уэрамым мы махуэхэм зыхуей щыхуагъазэ удз гъэгъа хэсапIэхэр - Печатым и унэм щыщIэдзауэ Балъкъэр уэрамым нэсыху. Къалапщэм хуэзэ клумбэшхуэхэм я къэухьхэр гъэ кIуам яхъуэжри, щIы къабзэ иракIутауэ гъэ щIэкIат. Иджыпсту лэжьакIуэхэм трагъэкъэбзыкI абыхэм япэу къытеува яжьащхъуэр, гъэгъа зэмылIэужьыгъуэхэр зэрыхасэнум хуэдэу.

ФщIэн папщIэ

КъБР-м щыIэ МВД-м Экономикэ шынагъуэншагъэмрэ коррупцэм пэщIэтынымкIэ  и IэнатIэхэм я лэжьакIуэхэм къэлъыхъуэныгъэ Iуэхухэр  ирагъэкIуэкIыу Налшык къалэм къыщагъуэтащ бренд цIэрыIуэм щIэту псыIэфI щрагъахъуэ цех щэху. 

«Дохутырхэм я Хасэ» щIыналъэ жылагъуэ зэгухьэныгъэм хэтхэм я зэIущIэ иджыблагъэ Москва щекIуэкIащ. Абы ирагъэблэгъа, Хасэм щIыхь хуащIу хагъэхьа, ЩIДАА-м и тхьэмадэ, Къэбэрдей-Балъкъэр Республикэм къыбгъэдэкIыу УФ-м и Федеральнэ Зэхуэсым ФедерацэмкIэ и Советым сенатору щыIэ Къанокъуэ Арсен и телеграм-напэкIуэцIым къритхащ и гуапэу зэхуэсым зэрыхэтар. Абы зэрыжиIэмкIэ, и анэри, и шыпхъури медицинэ лэжьакIуэу зэрыщытам къыхэкIыу, сыт щыгъуи пщIэ яхуещI хъэлат хужь зыщыгъхэм, икIи илъэситI и пэ къэунэхуа «Дохутырхэм я Хасэм» сыт лъэныкъуэкIи защIигъэкъуэну хьэзырщ. 

18-нэ лIэщIыгъуэм псэуа астрономхэм – Тициусрэ Бодерэ – Дыгъэ системэм хиубыдэ планетэхэр зэрызэпэжыжьэм хабзэ гуэр хэлъу къахутащ, ар «геометрическая прогрессия» жыхуаIэмкIэ къыпхуэпщыну. Абыхэм зэхалъхьа формулэм утетмэ, Марсымрэ Юпитерымрэ зэхуакушхуэ яIэщ, а тIум я кум иджыри зы планетэ дэтыни хуеящ.

Шыхулъагъуэ – Млечный путь.

Жэщ уафэм гъуэгум ещхьу щыплъагъу вагъуэбэ куэд зэхэтым Шыхулъагъуэ фIащащ адыгэхэм. «ЖэщкIэ зекIуэ лIыхъужьхэр ШыхулъагъуэкIэ мэзекIуэ», - жаIэрт абыхэм. Пасэрей алыджхэр «Галактикэ»-кIэ зэджэ, урысхэм «Млечный путь» зыфIаща вагъуэ зэрыбыным щхьэкIэ адыгэхэм апхуэдэу щIыжаIар шы зэраху лъагъуэм ирагъэщхьауэ ятх щIэныгъэлIхэм. КIахэ адыгэхэм «Шыгъушэмэ я гъогу» («путь везущих соль») жаIэ.

Вагъуэзэшибл – Большая Медведица.

Гум екIуалIэ лъынтхуэхэмрэ къуэпсхэмрэ лъы тэмэму зэралъэмыIэсым къыхэкIыу, цIыхур инфаркт мэхъу. Апхуэдэ сымаджэхэм икIэщIыпIэкIэ дэIэпыкъуэгъу ямыгъуэтмэ, операцэ ямыщIмэ, лIэнущ. Иужьрей IэмалыщIэхэр къагъэсэбэпурэ, апхуэдэ операцэ хьэлъэхэр гущхьэм щрагъэкIуэкI КъБР-м и Кардиологие диспансерым.

ЦIыху Iэпкълъэпкъым нэхъ телъыджэ щIыуэпсым къигъэщIакъым. Абы и лъынтхуэ километр бжыгъэхэр зэхэмызэрыхьу зэрылажьэр, псантхуэхэм къалэну ягъэзащIэр, лъым зэрызигъэкъэбзэжымрэ вирусхэм зэрезауэмрэ умыгъэщIэгъуэн плъэкIыркъым. Къыхэгъэщыпхъэщ цIыхум и щхьэкуцIым ихъумэф информацэм хуэдиз зезыгъакIуэ компьютер нобэр къыздэсым къызэрамыгъэщIыфари. ЩхьэкIуцIым и зэфIэкI псом щыщу проценти 5 фIэкIа цIыхум къызэримыгъэсэбэпыр къэплъытэмэ, ущIоупщIэ: сыт хуэдизт цIыхум лъэкIынур, абы и щхьэр проценти 100-кIэ лажьэу щытатэмэ?

Псэущхьэ инхэмрэ цIыкIухэмрэ я фэм къыхах щыгъыныгъуэхэмрэ хьэпшып зэмылIэужьыгъуэхэмрэ хуэмейуэ нобэ къоув Европэ къэралыгъуэхэм я цIыху куэд. Абыхэм а Iуэхур зэрыдаIыгъыр нэрылъагъуу, мы гъэм и щIымахуэм бжьыпэр яIыгъащ шубэ, джэдыгу IэрыщIхэм.  Ахэр дахэу, егугъуу зэращIым псы дзыгъуэхэм, дзыдзэхэм, кIэпхъхэм, мэз джэдухэм я фэхэм къыхаххэм уригъэплъыжыркъым.  Я хуабагъкIэ жыпIэнщи, адрейхэм къакIэрыхуркъым, къищынэмыщIауэ, зехьэгъуафIэщ, псынщIэщ, хъун еуэнукъым, псыIагъэр зэран хуэхъунукъым.

Урысей ФСБ-м и Управленэу КъБР-м щыIэм  и лэжьакIуэхэм экономикэ щIэпхъаджагъэхэм япэщIэтынымкIэ Iуэхухэр щрагъэкIуэкIым къыщIагъэщащ «РЖД» ОАО-м и къудамэм Кавказ Ищхъэрэ гъущI гъуэгум и лэжьакIуищым  гъэсыныпхъэхэр ядыгъуну зэрыхэтар.  
УФ-м и Следственнэ комитетым  КъБР-м щиIэ Управленэм уголовнэ Iуэху къиIэтащ. Хабзэм къызэригъэувымкIэ, апхуэдэ щIэпхъаджагъэ зылэжьар илъэси 6-кIэ ягъэтIысынкIэ мэхъу. 
Къыумылэжьар хьэлэлкъым