|
ЩIалэгъуэ
8 апреля, 2022 - 14:00
Илъэс 85-рэ къэзыгъэщIауэ иджыри езыкъутэкIыу псэу Аслъэн дадэ къызжиIэжащ мы хъыбарыр.
7 апреля, 2022 - 08:33
КIэи пэи зимыIэ хьэршым и зы къуэгъэнапIэ Бдзэжьейхэм я вагъуэбэм (созвездие Рыб) астрофизикхэм иджыблагъэ къыщагъуэтащ, и щIыгум къыщешх «уэшхыр» зэрыгужьеигъуэ дыдэм къыхэкIыу, жыхьэнмэм хуагъадэ планетэ шынагъуэ.
4 апреля, 2022 - 13:45
Си адэр хуабжьу мэз кIуэрейт икIи и гъащIэм и нэхъыбэр абы щихьырти, ди унэр игъэIэпхъуэжами зыми емыкIу къищIыну къыщIэкIынтэкъым.
4 апреля, 2022 - 12:42
Май къалэм дэт гимназие №1-м и еджакIуэ Сивишкин Богдан иджыблагъэ Мэзкуу щекIуэкIа, «Си Хэкум и зыужьыныгъэм си Iыхьэ хызолъхьэ» зи фIэщыгъэ урысейпсо конференцэм япэ увыпIэр къыщихьащ.
31 марта, 2022 - 08:47
Хы ФIыцIэ Iуфэм узыщрихьэлIэ фIэщыгъэр Iыхьищу зэхэлъщ: «Псы - у (ы) - шъ (у) хъо».
Шапсыгъ диалектыр къэзыгъэсэбэпхэм я нэхъыбэр щыхьэт зэрытехъуэмкIэ, «псыущхъуэ» псалъэм къикIыр «узыпхрыплъу къабзэ», «уафэм хуэдэу къащхъуэ» мыхьэнэхэр аращ.
Бзэ щIэныгъэхэм я доктор КIуэкIуэ Джэмалдин абы щыхьэт техъуэу, псалъэм и иужьрей пычыгъуэм «щхъуантIэ» егупсысыкIэ иIагъэнущ, псалъэпкъитIым я зэхуаку къыдэувэ «уы» префиксыр «ущхъуэнтIын», «кIуэ пэтми нэхъ щхъуантIэ хъун» мыхьэнэхэм хуэпхь хъунущ.
30 марта, 2022 - 09:30
Класс унафэщIхэм я II Урысейпсо зэхуэсышхуэм и лэжьыгъэм хэтыну хуейхэм я тхылъхэр къыхахыу хуежьащ. УФ-м и Президент Путин Владимир и унафэкIэ ар езыгъэкIуэкIыр къэралым ЕгъэджэныгъэмкIэ и министерствэрщ, къызэгъэпэщыныр зи пщэ дэлъыр Егъэджэныгъэм IэмалыщIэхэм зыщегъэужьынымкIэ фондырщ. Ар щекIуэкIынур Мэзкуущ, 2022 гъэм и жэпуэгъуэ мазэм траухуащ.
29 марта, 2022 - 14:55
США-м и Калифорние штатым щыIэ еджапIэ нэхъыщхьэхэм ящыщ зым физикэмрэ астрономиемкIэ и кафедрэм и унафэщI, профессор Гез Андреа къэрал куэдым къыщыдэкI Nature щIэныгъэ журналым щытопсэлъыхь, езым къыдэлажьэ астрономхэр и гъусэу, ди Галактикэм (Шыхулъагъуэм) и кум алъандэрэ зыщымыгъуазэу щыщыIа уафэщI гъэщIэгъуэнхэр къызэрыщалъэгъуам.
29 марта, 2022 - 13:55
Къэбэрдей-Балъкъэр къэрал университетым техникэмрэ естественнэ щIэныгъэхэмкIэ цIыхухэм яхуищIэ Iуэхутхьэбзэхэм я жармыкIэ иджыблагъэ екIуэкIащ. Абы кърихьэлIащ КъБР-м и колледжхэр къэзыуха цIыхуи 100-м нэблагъэ.
27 марта, 2022 - 09:02
ЩIэныгъэм япэ лъэбакъуэхэр щызыч щIалэгъуалэр гъэгушхуэныр, абыхэм кърахьэжьэ Iуэху щхьэпэхэр дэIыгъыр къэрал унафэщIхэм гулъытэ хэха зыхуащIхэм ящыщщ. Апхуэдэ жэрдэм зыбжанэ къабгъэдокI къулыкъущIэхэм икIи псори хуолажьэ щIалэгъуалэ зэчиифIэм, IэщIагъэлI ныбжьыщIэхэм я мурадхэмрэ хъуэпсапIэхэмрэ хэIущIыIу ящIыным, ахэр къайхъулIэн папщIэ Iэмалхэр къахузэгъэпэщыным. А Iуэхугъуэхэм ящыщщ Инновацэ лэжьыгъэхэр дэIыгъынымкIэ урысейпсо фондым къыхилъхьа «АкъылыфIэ» («Умник») зэпеуэр.
Страницы
|