Спорт

Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Санкт-Петербург къалэм иджыблагъэ щекIуэкIащ щIалэгъуалэм дзюдомкIэ я дунейпсо, урысейпсо зэхьэзэхуэхэр. Ахэр хуэунэтIауэ щытащ Олимп джэгухэм я чемпион Хайбулаев ТIахьир и саугъэтыр къэ­хьыным икIи «Аврора» лигэм и зэпеуэм и ещанэ Iыхьэт. 

Къэбэрдей-Балъкъэрым ипэкIэ зэи къыщымыхъуауэ адыгэ бзылъхугъэ, пщащэ лъагъугъуафIэ, спортсмен бэлыхь Бекъул Миланэ, хьэлэмэтращи, адыгэ щIыналъэм - Адыгэ Республикэм щыIэу - тхэквондомкIэ (ВТФ, Олимп джэгухэм хыхьэ лIэужьыгъуэмкIэ) Урысей Федерацэм и чемпионату мы гъэм, Мейкъуапэ щекIуэкIам япэ увыпIэр къыщихьащ. Абы къыдэкIуэу тхэквондомкIэ дунейпсо классымкIэ спортым и мастер цIэ лъапIэри къыфIащащ, ари ди республикэм щыяпэу. Миланэ и ныбжькIэ щIалэ щхьэкIэ хузэфIэкIащ къэралым и командэ къыхэхам хыхьэн, икIи и хьэлъагъ елъытауэ зыкъыщигъэлъагъуэ килограмм 46-рэ хъу гупым я деж бжьыпэр УФ-м щиIыгъщ.
Адыгэ пщащэ цIыкIум тхэквондом щиIэ ехъулIэныгъэхэм уатепсэлъыхьын щIэбдзэмэ, зэрыжаIэу, махуэней пхутегъэкIуэдэнущ. Медалрэ кубокыу Миланэ иIэр щэ бжыгъэм зэрынэхьэсащ. Адрей илъэс блэкIахэмкIэ умыIэбэжу, мы гъэ къудейм дунейпсо утыкушхуэхэм абы щыхузэфIэкIахэр къыхэбгъэщмэ, Африкэм щыIэ Сенегал къэралым и ­къалащхьэ Даккар бадзэуэ­гъуэм щекIуэкIа «Гран-при» зэхьэзэ­хуэм япэ увыпIэр къыщихьащ. Абы иужькIэ екIуу хэтащ Франджым и къалащхьэ Париж и «Гран-при» зэпеуэм, иужькIэ Мейкъуапэ щекIуэкIа УФ-м и чемпионатым щыте­кIуащ, а псом ищIыIужкIэ, щэкIуэгъуэ мазэм, къэралым и командэ къыхэхам хэту Белоруссием и «Кубок зэIухам» япэ щыхъуащ.

Футболым и дунейпсо махуэм Къэрэшей-Шэрджэс Республикэм и къалащхьэм щагъэлъэпIащ мы спорт лIэужьыгъуэмкIэ 2023 гъэм къриубыдэу ехъулIэныгъэшхуэ зыIэрызыгъэхьа, къагъэщIэрэщIэжа «Нарт» футбол командэм и футболистхэмрэ гъэсакIуэхэмрэ.

Къуажэхэр зэщIагъаблэ

Дзэлыкъуэ щIыналъэм и жылагъуэхэм я уэрамхэу, псори зэхэту километр 28-рэ хуэдиз я кIыхьагъыу, иджырей уэздыгъэхэмкIэ къызэщIагъэблэнущ. Абы хыхьэнущ Дзэлыкъуэкъуажэ, Светловодскэ, ЯтIэкъуэ, Бэтэх, Псынадахэ, Дзэлыкъуэдэс, Къармэхьэблэ къуажэхэр.

 Хутэ Беслъэн и ехъулIэныгъэ

        Кудо спорт лIэужьыгъуэмкIэ Урысейм и ныбжьыщIэхэм я 30-нэ зэхьэзэхуэ Мэзкуу щекIуэкIащ, щIыналъэ 56-м къикIауэ спортсмен 400-м щIигъу хэту. Кавказ Ищхъэрэм и командэм щыщу Къэбэрдей-Балъкъэрым и щIалищ щыIащ абы. Ахэр Бетрожь Артур, Хутэ Беслъэн, Надзырэ Идар сымэщ.

Гуп къызэрагъэпэщ

Бахъсэн щIыналъэм хыхьэ Ислъэмей къуажэм иджыблагъэ щекIуэкIащ Хэкум и ЛIыхъужьхэм я махуэр гъэлъэпIэным хуэунэтIауэ мас-рестлингымкIэ щIыналъэ зэхьэзэхуэ. Абы хэтащ илъэс 2007 - 2008 гъэхэм къалъхуа ныбжьыщIэхэу 50-м щIигъу. 
Кумыщ Амдул, Къардэн Дамир, Тохъутэмыщ Аслъэн, Джэрыджэ Айдэмир, Хъуэт Темырлан сымэ я хьэлъагъ елъытауэ зыхэта гупхэм япэ увыпIэхэр зэпеуэм къыщахьащ. 

Тхэквондо

Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Налшык къалэм дэт «Гладиатор» спорт комплексым дыгъэгъэзэм и 1- 5-хэм щекIуэкIащ тхэквондомкIэ (ВТФ, Олимп джэгухэм хыхьэ лIэужьыгъуэмкIэ) Iуащхьэмахуэ и Кубокыр къэхьыным хуэунэтIа 22-нэ урысейпсо зэхьэзэхуэр. Абы кърихьэлIащ къэралым и щIыналъэ 20-м я спортсмен ныбжьыщIэрэ щIалэгъуалэу 700-м щIигъу.

БэнэкIэ хуит

ФIыкIэ зыкърагъэцIыху

Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, къэралым и къалащхьэм и «Олимпийская деревня-80» спорт комплексым иджыблагъэ щекIуэкIащ Мэзкуу бэнэкIэ хуитымкIэ и чемпионат. Абы щызэпеуащ къэралым и щIыналъэ зыбжанэм щыщ спортсменхэр.

Ди зэманым спортым къыхохьэ лIэужьыгъуэ гъэщIэгъуэнхэр. Апхуэдэщ, туфлъэ лъэдакъэ тету бзылъхугъэхэр зэдэжэныр. Уеблэмэ абыкIэ дунейпсо рекордхэри ягъэувыну хунэсахэщ. Лъэдакъэ лъагэ тет бзылъхугъэхэр зохьэзохуэ, а лъэдакъэр спортым зэран хуэмыхъуу къалъытэу. Спорт лIэужьыгъуэм цIыху куэд зыIэпишэну хунэсащ. Апхуэдэ зэдэжэм и хабзэщ сантиметри 7 мынэхъ лъахъшэ лъэдакъэ утетыныр. Языныкъуэ къэралхэм илъэс къэс зэдэжэр зэхаублэ икIи спортсмен щэ бжыгъэхэр хэту ирагъэкIуэкI.

Азербайджаным и къалащхьэ Баку иджыблагъэ щекIуэкIащ дзэм къулыкъу щызыщIэхэм спорт бэнэкIэ лIэужьыгъуэхэмкIэ я 36-нэ дунейпсо чемпионат. Абы щызэпеуащ къэрал 18-м я спортсмен 200-м щIигъу.