|
|
Спорт
28 ноября, 2023 - 08:00
Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Кавказ Ищхъэрэм и щIыналъэхэм алыдж-урым бэнэкIэмкIэ пашэныгъэр къыщыхьыным хуэунэтIа зэхьэзэхуэ Дагъыстэным и Хасавюрт къалэм иджыблагъэ щекIуэкIащ. Абы щызэпеуащ спортсмени 130-рэ.
ГуащIэу икIи удэзыхьэхыу екIуэкIа зэпеуэм Къэбэрдей-Балъкъэрым и бэнакIуэхэм медалиплI къыхахащ. Килограмм 87-рэ хъухэм я деж щыбанэ Къып Амир дыщэ медаль къихьащ. ЕтIуанэ увыпIэм дэкIуеящ Чыл Казбекрэ (кг 82-рэ), Темырчы Темырланрэ (кг 63-рэ). Ещанэ хъуащ Хъуп Астемыр (кг 60).
25 ноября, 2023 - 12:54
Атлетикэ хьэлъэ
Зэрылъэщыр къагъэлъагъуэ
 Мейкъуапэ къалэм и «Уэщтэн» спорт комплексым иджыблагъэ щекIуэкIащ Урысей Федерацэм атлетикэ хьэлъэмкIэ пашэныгъэр къыщыхьыным хуэунэтIауэ щIалэгъуалэм я зэхьэзэхуэ. Абы гупитIу гуэшауэ щызэпеуащ илъэс 15-18, 19-20 зи ныбжь спортсменхэр.
24 ноября, 2023 - 14:00
Бахъсэн къалэм и Ветеранхэм я советым и хэщIапIэм иджыблагъэ къыщызэрагъэпэщащ зи ныбжь хэкIуэта нэхъыжьыфIхэм папщIэ шахматымкIэ зэхьэзэхуэ. Абы кърагъэблэгъащ а спорт лIэужьыгъуэ гъэщIэгъуэным дихьэххэр, джэгуну зыфIэфIхэр.
Ветеранхэм я зэхьэзэхуэм кърихьэлIахэм псалъэ гуапэхэмкIэ захуигъэзащ Бахъсэн къалэм и администрацэм и унафэщIым и къуэдзэ Бырхьэм Залинэ.
24 ноября, 2023 - 13:30
Черкесск къалэм иджыблагъэ щекIуэкIащ ныбжьыщIэхэм армэ Iэпщэрыбанэ спортымкIэ я щIыналъэ зэхьэзэхуэ. Ар Урысей Федерацэм и ЛIыхъужь Остроухов Евгений и фэеплъу щытащ.
Зэхьэзэхуэм хэтащ Осетие Ищхъэрэ – Аланием, Къэбэрдей-Балъкъэрым, Къэрэшей-Шэрджэсым, Ставрополь крайм я спортсмен ныбжьыщIи 120-рэ.
22 ноября, 2023 - 14:10
Дагъыстэным и Хасавюрт къалэм иджыблагъэ щекIуэкIащ бэнэкIэ хуитымкIэ дунейпсо зэхьэзэхуэ. Ар и фэеплъу щытащ Урысей Федерацэм спортымкIэ щIыхь зиIэ и бэнакIуэ цIэрыIуэ Умаханов Щамил.
22 ноября, 2023 - 14:00
Налшык къалэм иджыблагъэ щекIуэкIащ алыдж-урым бэнэкIэмкIэ зэхьэзэхуэ, Лобжанидзе Владимир и фэеплъу къызэрагъэпэщауэ. Абы щызэпеуащ илъэс 12 - 14 зи ныбжь бэнакIуэ цIыкIухэр.
Зэхьэзэхуэм хэтащ «Арена» спорт еджапIэм и гъэсэнхэр икIи хъарзынэу зыкъыщагъэлъэгъуащ. Псалъэм и хьэтыркIэ, Уэртэн Расимрэ (кг 52-рэ) ХъуэкIуэн Ильхамрэ (кг 57-рэ) дыщэ медалхэр къахьащ. Кумыщ Ислъам етIуанэ хъуащ (кг 57-рэ). ТIэхъу Идаррэ (кг 32-рэ) Бекъул Тамерланрэ (кг 41-рэ) – ещанэщ.
22 ноября, 2023 - 11:32
Къэбэрдей-Балъкъэрым СпортымкIэ и министерствэм къызэритамкIэ, Армавир къалэм Дзюдомрэ самбэмкIэ и комплексым урысейпсо зэхьэзэхуэ иджыблагъэ щекIуэкIащ. СамбэмкIэ зэпеуэр щытащ Урысей Федерацэм и ЛIыхъужь Трошев Геннадий и фэеплъу.
20 ноября, 2023 - 13:46
Къэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Урысей Федерацэм тхэквондомкIэ (ГТФ, Олимп джэгухэм хыхьэркъым) чемпионатрэ пашэныгъэр щыубыдыным хуэунэтIа зэхьэзэхуэрэ Къэзан къалэм иджыблагъэ щекIуэкIащ. Абы кърихьэлIащ къэралым и щIыналъэхэм ящыщу 63-м я спортсмен 2400-м нэблагъэ.
20 ноября, 2023 - 10:38
Къэбэрдей-Балъкъэрым СпортымкIэ и министерствэм къызэритамкIэ, Мэзкуу областым и Красногорск къалэм грэпплинг, грепплинг-ги спорт бэнэкIэ лIэужьыгъуэхэмкIэ иджыблагъэ щекIуэкIащ дунейпсо чемпионатрэ пашэныгъэр къэхьыным хуэунэтIа зэхьэзэхуэрэ.
19 ноября, 2023 - 06:36
Налшык къалэм и спорт комплексым иджыблагъэ щекIуэкIащ балъкъэр усакIуэ Мечиев Кязим и фэеплъ урысейпсо зэхьэзэхуэ.
Страницы
|
