Спорт

Пекин щекIуэкI ХХIV ЩIымахуэ Олимп джэгухэм и саугъэтхэм папщIэ зэхьэзэхуэ гуащIэхэр йокIуэкI. Урысей Федерацэм и спортсменхэр зэпеуэхэр къызэрызэIуахрэ пашэхэм яхэтщ.

Джэгухэм и япэ махуэ ди атлетхэм медалхэр зыIэрагъэхьащ. Урысейм япэ дамыгъэ лъапIэр къыхуихьащ лыжэкIэ къызэдэжэнымкIэ етIуанэ хъуа Непряевэ Наталье. ПэщIэдзэ зэхьэзэхуэм абы дыжьын медалыр зыIэригъэхьащ. А махуэ дыдэм биатлонымкIэ эстафетэ зэхэтым урысей командэр ещанэ щыхъуащ.

 Суздаль къалэм щекIуэкIащ алыдж-урым бэнэкIэмкIэ Урысей Федерацэм и чемпионат. Абы и саугъэтхэм щIэбэнащ ди къэралым и щIыналъэ псоми икIа спортсмен 300-м щIигъу. Зэхьэзэхуэм фIы дыдэу зыкъыщагъэлъэгъуащ Къэбэрдей-Балъкъэрым и бэнакIуэхэм. Гуп зэпеуэм ди щIалэхэм ещанэ увыпIэр щаубыдащ.

Я хьэлъагъ елъытауэ гупипщIу зэщхьэщыхауэ щытахэм я деж ди республикэм и спортсменхэм медаль зэмылIэужьыгъуэу 6 къыщахьащ.

Къэбэрдей-Балъкъэр Республикэм и къэралыгъуэр илъэсищэ зэрырикъур зэрагъэлъапIэ Iуэхугъуэхэм хиу­быдэу «Налшык» спорт комплексым щекIуэкIащ сумомкIэ КъБР-м и ещанэ чемпионат.

Китайм и къалащхьэ Пекин дыгъуасэ Iэтауэ къыщызэIуахащ ХХIV ЩIымахуэ Олимп джэгухэр. Дунейпсо мыхьэнэ зиIэ спорт зэхьэзэхуэ иным кърихьэлIащ ЩIы Хъурейм и щIыпIэ куэдым къикIахэр. Пасэрей алыджхэм кърагъэжьа Олимпиадэхэр щекIуэкI лъэхъэнэм къриубыдэу ижь-ижьыж лъандэрэ зауэ псори къызэтрагъэувыIэрти, лIыгъэ зэхэгъэкIыпIэр спорт зэхьэзэхуэхэр щекIуэкI утыкухэм Iэпхъуэрт. Иджыри апхуэдэу щытыну дыщогугъ.

Урысей Федерацэм футболымкIэ и етIуанэ дивизионым и Япэ гупым щекIуэкI зэхьэзэхьэзэхуэр гъатхэпэ пщIондэ зэпагъэуащ. А зэманым къриубыдэу командэхэм зыгъэсэныгъэхэр ирагъэкIуэкI, футболистыщIэхэмкIэ загъэлъэщ, мазэ дэкIмэ щIэзыдзэжыну зэпеуэм зыхуагъэхьэзыр.

 «Сабий стадион» КъБР-м и къэрал бюджет IуэхущIапIэм и футбол джэгупIэ губгъуэм щекIуэкIащ республикэм регбимкIэ и командэ къыхэхам и зыгъэсэныгъэ. Абы кърихьэлIат Налшык къалэ администрацэм Физическэ щэхабзэмкIэ, спортымрэ щIалэгъуалэ IуэхухэмкIэ управленэм и «Налшык» спорт школым зыщызыгъасэ илъэс 16 зи ныбжь спортсменхэмкIэ.

Псы есыпIэ бассейн зыхэт физкультурэ-узыншагъэр щрагъэфIакIуэ комплекс щаухуэну я мурадщ Къэбэрдей-Балъкъэрым хыхьэ Iуащхьэмахуэ куейм.

Налшык дэт «Гладиатор» универсальнэ спорт комплексым щекIуэкIащ Кавказ Ищхъэрэ федеральнэ щIыналъэм и кубокыр къэхьыным ехьэлIа тхэквондомкIэ щIыналъэхэм зэдай зэхьэзэхуэ. Урысей Федерацэм и щIыналъэ 4-м къикIауэ зэпеуэм и саугъэтхэм щIэбэнащ спортсмен 300-м нэблагъэ.

Мы махуэхэм Красноярск щекIуэкIащ «Гран-при «Иван Ярыгин» бэнэкIэ хуитымкIэ XXXII дунейпсо зэхьэзэхуэр.

Сыбырым и къалащхьэм щызэхуэсащ къэрал куэдым я бэнакIуэ нэхъыфIхэу 300-м нэблагъэ. Къэбэрдей-Балъкъэрым щыщ спортсменхэм пщIэшхуэ зиIэ зэпеуэм зэфIэкI лъагэхэр къыщагъэлъэгъуащ.

Подмосковьем хыхьэ Покровскэ къалэм щекIуэкIащ тэмэму зэхэзымыххэм тхэквондомкIэ я урысейпсо чемпионат. КъБР-м ТхэквондомкIэ и федерацэм и секретарь нэхъыщхьэ Къанкъул Беслъэн хъыбар къызэрыдигъэщIамкIэ, абы медалищ къыщахьащ Къэбэрдей-Балъкъэрым щыщ спортсменхэм.