Спорт

КъБР-м СпортымкIэ и министерствэм щекIуэкIащ республикэм ДзюдомкIэ и федерацэм 202I гъэм зэфIигъэкIахэр къыщызэщIакъуэжа зэIущIэ.
Абы хэтащ Къэбэрдей-Балъкъэрым спортымкIэ и министр Хьэсанэ Ислъам, абы и къуэдзэ Анаев Аслан, Урысей Федерацэм дзюдомкIэ и цIыхухъу командэ къыхэхам и тренер нэхъыщхьэ Тау Хьэсэнбий, КъБР-м ДзюдомкIэ и федерацэм и президент, Кавказ Ищхъэрэ федеральнэ щIыналъэм и судьяхэм я зэгухьэныгъэм унафэщI Емкъуж Мухьэмэд, «Ныр Сеф и цIэр зезыхьэ дзюдомкIэ олимп резерв щагъэхьэзыр школым» и унафэщI Тау Сэфарбий сымэ нэгъухэри.

Уфа къалэм дэт Спорт зыгъэхьэзырыныгъэмкIэ центрым щекIуэкIащ Башкортостан Республикэм и Iэтащхьэм и Кубокыр къэхыным хухэха алыдж-урым бэнэкIэмкIэ 11 урысейпсо зэхьэзэхуэ. 

Дызэрыт мазэм и пэщIэдзэм хъыбар гуапэ къытIэрыхьащ: ди лъахэгъу Iэпщацэ Марат Къэзан и «Рубин»-м зэгурыIуэныгъэ дрищIылIащ илъэси 4,5-кIэ хэтыну. Тэтэрстаным и командэ нэхъыщхьэр Урысей Федерацэм щынэхъ лъэщхэм ящыщ зыщ икIи къэралым щекIуэкI зэхьэзэхуэхэм увыпIэфI дыдэхэр щеубыд, Европэми мызэ-мытIэу лъэщу зыкъыщигъэлъэгъуащ. Израилым щыпсэу адыгэхэм ящыщ Натхъуэ Бибрэс абы щыджэгуущ нэхъыфIу къызэрытцIыхуар икIи япэ ехъулIэныгъэ инхэр Хэкужьым щиIар.

Хьэбэз районым хыхьэ Беслъэней къуажэм 1989 гъэм мэлыжьыхьым и 28-м къыщалъхуа, Дунейпсо, Европей, Урысей спорт утыку лъэрыхьхэм щхьэмыгъазэу ит Куржы Уэлий Рэмэзан и ­къуэм дежкIэ 2021 гъэр ехъулIэныгъэ ин­хэмкIэ гъэнщIауэ щытащ.

Къэбэрдей-Балъкъэрыр зэ­рыгушхуэн спортсмен цIэ­ры­Iуэ куэд диIэщ. Апхуэдэхэщ Къардэн Мурат, Хъущт Аслъэнбэч, Мудрэн Беслъэн, Джэ­ду Аниуар, Махуэ Билал сымэ. Мы гъэм абыхэм пщащэ закъуэу къахыхьащ Прох­ладнэ (КъалэкIыхь) къалэм щыщ Ласицкене Марие - Токио (Японием) щыIа XXXII Олимп джэгухэм дыщэ медалыр къыщихьащ. 

Краснодар къалэм щекIуэкIащ АСА 134 хабзэ пыухыкIа зимыIэ зэзауэхэмкIэ ­дунейпсо зэхьэзэхуэ. Пшыхьым хиубыдэу щыIа зэIущIэ 11-м нэхъыщхьэу къыщалъытэрт Къэбэрдей-Балъкъэрым щыщ Багъ Алийрэ Новокузнецк къикIа Кошкин Андрейрэ я зэпэщIэтыныгъэр.

КъБР-м спортымкIэ и министр Хьэсанэ Ислъам щригъэблэгъащ республикэм ММА спорт лIэужьыгъуэм нэхъ ехъулIэныгъэшхуэ щызиIэ Мырзэкъан Азэмэт.

ЗэIущIэм щытепсэлъыхьащ IэпщэрызауэмкIэ плIэнейрэ дунейпсо чемпионым адэкIэ и мурадхэм ехьэлIа Iуэхугъуэхэм. Къыхэдгъэщынщи, Мырзэкъан Азэмэт и профессионал рекордщ зэи къыхамыгъащIэу текIуэныгъипщI къызэрихьар, абыхэм ящыщу 8-м зэIущIэм и япэ раундым и хьэрхуэрэгъухэр нокауткIэ къриудащ.

Баталовэ Риммэ и цIэр зезыхьэу Уфа дэт Спортым зыхуэгъэхьэзырынымкIэ центрым щекIуэкIащ бэнэкIэхэмкIэ XVIII дунейпсо форум. ЛIэужьыгъуэ 15-м щыбэнащ Урысей Федерацэм и щIыналъэ 40-мрэ нэгъуэщI къэралхэмрэ щыщ спортсмен 2000-м щIигъу.
Зэпеуэм ехъулIэныгъэ щызыIэригъэхьащ Къэбэрдей-Балъкъэрым щыщ КIэрэф Тамерлан. Бгырыпх бэнэкIэмкIэ зэхьэзэхуэм щригъэкIуэкIа зэIущIиплIми щытекIуэри абы дыщэ медалыр къихьащ.

Къэбэрдей-Балъкъэрым Па­уэр­­лиф­тингымкIэ, мас-рес­т­лингымрэ сумомкIэ и федерацэм и президент Гъубж БетIал Урысей Федерацэм и командэ къыхэхам и етIуанэ гупым и тренеру ягъэуващ. 

Футболым и дунейпсо махуэр ХьэтIохъущыкъуей къуажэм щыгъэлъэпIащ. Абы хухэхауэ екIуэкIащ Бахъсэн щIыналъэм и топджэгу зэхьэзэхуэ.