|
Спорт
22 февраля, 2024 - 14:00
СССР-м дзюдо, самбэ спорт лIэужьыгъуэхэмкIэ и мастер, Къэрэшей-Шэрджэсым щIыхь зиIэ и тренер Мелекаев Сифар и саугъэтыр къэхьыным хуэунэтIауэ щIыналъэхэм дзюдомкIэ я зэхьэзэхуэ зэIуха иджыблагъэ Карачаевск къалэм щекIуэкIащ. Абы хэтащ илъэс 21-рэ зи ныбжьхэу къэралым и щIыналъи 8-м я бэнакIуи 130-м нэблагъэ.
Къэбэрдей-Балъкъэрым щыщу спортсменибгъум я зэфIэкIыр къыщагъэлъэгъуащ а зэпеуэм. Абыхэм ящыщу килограмм 73-м щыбанэ Къущхьэ Тамерлан зыхэта гупым къытекIуэн къахэкIакъым икIи дыщэ медалыр къихьащ. Беслъэней Идар килорамми 100 хъухэм я деж ещанэ щыхъуащ.
22 февраля, 2024 - 13:00
«Туризмэмрэ хьэщIагъэм пыщIа Iуэхугъуэхэмрэ» лъэпкъ пэхуэщIэм хыхьэу зэфIагъэкIынухэм къыхуаутIыпща мылъкум щыщкIэ Iуащхьэмахуэ лъапэм щыIэ Тегенекли къуажэм иджыблагъэ щагъэуващ псынщIэу зэпкърыплъхьэ-зэпкърыпхыж хъуу унэхэм хуэдэу плIы.
21 февраля, 2024 - 09:30
Кавказ Ищхъэрэ, Ипщэ федеральнэ округхэм, Урысейм щIэуэ къыхыхьэжа щIыналъэхэм физкультурэмрэ спортымрэ зыщегъэужьыным теухуа къалэнхэр иджыблагъэ щызэпкърахащ Шэшэным и къалащхьэ Грознэм щызэхаша зэIущIэм. Ар иригъэкIуэкIащ УФ-м спортымкIэ и министрым и къудзэ Байсултанов Одес. ЗэIущIэм и лэжьыгъэхэм хэтащ Къэбэрдей-Балъкъэрым спортымкIэ и министр Хьэсанэ Ислъам.
21 февраля, 2024 - 08:18
Башкирием и щыхьэр Уфа зэраухуэрэ илъэс 450-рэ зэрырикъур ягъэлъапIэу иджыблагъэ а къалэм щекIуэкIащ каратэмкIэ урысейпсо зэхьэзэхуэ. Абы хэтащ къэралым и щIыналъэ 31-м я спортсмен 1500-м щIигъу.
Къэбэрдей-Балъкъэрым и щIыхьыр яIэту зэпеуэм хэтащ цIыху 21-рэ.
Я хьэлъагъ елъытауэ щызэуа гупхэм япэ увыпIэхэр къыщахьащ Блий Изабеллэ, Байсиев СулътIан, Блий Эмир, Къущхьэ Инал, КIэбышэ Ислъам сымэ.
Къэзанш Артуррэ Бежан Идаррэ етIуанэ хъуащ. Ещанэ увыпIэр яубыдащ Глашев Мухьэмэд, Сидакъ Имран, Глашев Муслим, Сыжажэ Дамир сымэ.
20 февраля, 2024 - 07:30
Налшык къалэм и «Гладиатор» спорт комплексым иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) КИФЩI-м пашэныгъэр къыщыхьыным хуэунэтIа зэхьэзэхуэ. Абы щызэпеуащ Кавказ Ищхъэрэм и щIыналъэхэм я щIалэгъуалэу 150-м нэблагъэ.
Къэбэрдей-Балъкъэрым и «Пять колец» спорт академием и гъэсэнхэм ящыщу я хьэлъагъ елъытауэ зыхэта гупхэм япэ увыпIэхэр къыщахьащ Тхьэмокъуэ Элинэ (кг 42-рэ), Iусен Къамболэт (кг 45-рэ), Бицу Къантемыр (кг 63-рэ), Гъубжокъуэ Астемыр (кг 73-рэ) сымэ.
20 февраля, 2024 - 06:58
СССР-м щIыхь зиIэ и тренер Алексеев Виктор и фэеплъ урысейпсо зэхьэзэхуэ иджыблагъэ щекIуэкIащ Санкт-Петербург къалэм. Спортсмен цIэрыIуэхэр абы щызэпеуащ атлетикэ псынщIэм хыхьэ лIэужьыгъуэ зыбжанэкIэ.
Ди гуапэ зэрыхъущи, лъагапIэхэм елъэнымкIэ екIуэкIа зэхьэзэхуэм япэ увыпIэр къыщихьащ Къэбэрдей-Балъкъэрым и гъэсэн Ласицкене Марие. Абы къищта метр 1,91-рэ лъагапIэм щхьэпрылъыфын ар зыхэта гупым къахэкIакъым. ЕтIуанэ хъуа Ермаченковэ Татьянэ елъащ метр 1,89-м, ещанэ увыпIэр зыубыда Кочановэ Марие къыхуэщтар метр 1,87-рэщ.
12 февраля, 2024 - 14:00
Кабэрдей-Балъкъэрым СпортымкIэ и министерствэм и пресс-IуэхущIапIэм иджыблагъэ къызэритамкIэ, мазаем и 7 - 9-хэм Владикавказ къалэм щекIуэкIащ Кавказ Ищхъэрэм бэнэкIэ хуитымкIэ пашэныгъэр къыщыхьыным хуэунэтIа зэхьэзэхуэ. А махуэхэм Осетие Ищхъэрэ - Аланием и къалащхьэм щызэпеуащ илъэс 15 - 17 я ныбжьхэу КИФЩI-м и бэнакIуэ 360-м щIигъу.
12 февраля, 2024 - 13:30
«Хьэрычэт Iуэху мыинымрэ курытымрэ, уней хьэрычэт щIэн жэрдэмхэр» лъэпкъ пэхуэщIэм ипкъ иткIэ Къэбэрдей-Балъкъэрым и апхуэдэ IэнатIэхэм пэрытхэмрэ я щхьэ хуэлэжьэжыну зезыгъэтхахэм ящыщу 174-м щIыхуэ мыинхэр къыIахыным теухуа зэгурыIуэныгъэу 214-рэ нэгъабэ иращIылIащ, сом мелуан 28,1-рэ я уасэу.
11 февраля, 2024 - 07:01
Гъэ джэгугъуэщIэм жыджэру зыхуэзыгъэхьыр «Спартак-Налшыкыр» тренерыншэу къэнащ мы махуэхэм. Иужьрей илъэситIым командэм дэлэжьа Биджиев Хьэсэнбий Дагъыстэным и Мэхъэчкъалэ и «Динамо»-м ирагъэблэ гъащ.
10 февраля, 2024 - 12:25
Владикавказ къалэм иджыблагъэ щекIуэкIащ КИФЩI-м и щIыналъэхэм бэнэкIэ хуитымкIэ пашэныгъэр къыщыхьыным хуэунэтIа зэхьэзэхуэ. «Wrestlers of KBR» телеграм-каналым къызэритамкIэ, Осетие Ищхъэрэ – Аланием и къалащхьэм щызэпеуахэщ Кавказ Ищхъэрэм и бэнакIуэ ныбжьыщIэу 280-м щIигъу.
Страницы
|