Нобэ
♦Ядернэ зауэр мыдэным цIыхухэр къыхуеджэным и дунейпсо махуэщ
♦1616 гъэм Голландием щыщ хыдзэлIхэу Лемер Якобрэ Схаутен Виллемрэ къахутащ Америкэ Ипщэм и ищхъэрэ дыдэ щIыналъэр – Горн щIыпIэр зэрыщыIэр.
♦1710 гъэм Урысей пащтыхь Пётр Езанэм къыдигъэкIащ славяныбзэм и пIэкIэ урысыбзэм и иджырей алфавитыр къащтэным теухуа указыр.
♦1833 гъэм Урысейм щыяпэу Санкт-Петербург къалэм пощт IуэхущIапIэ къыщызэIуахащ.
♦1886 гъэм Бенц Карл бензинкIэ лажьэ япэ автомобилыр къызэригупсысам щыхьэт техъуэ патентыр къратащ.
♦1908 гъэм япэ урысей аэроклубыр къызэрагъэпэщащ.
♦1921 гъэм РСФСР-м и ЦIыхубэ комиссархэм я советым и деж ВЧК-м и IуэхухэмкIэ щыIэ управленэм унафэ къищтащ шынагъуэншагъэр къызэгъэпэщынымкIэ органхэм щылэжьэнухэр щрагъэджэн курсхэр къызэIуахыну. Иджыпсту ар Урысей ФСБ-м и Академиерщ.
♦1932 гъэм Горький къалэм дэт автомобиль заводым къыщыдагъэкIащ япэ хьэлъэзешэ Машинэр - «ГАЗ-АА».
♦1935 гъэм СССР-м Калинин (иджы Тверь) областыр къыщызэрагъэпэщащ.
♦1943 гъэм советыдзэхэм Мейкъуапэ, Тихорецк къалэхэр нэмыцэ фашист зэрыпхъуакIуэхэм къыIэщIагъэкIыжащ.
♦1960 гъэм ящIащ япэ искусственнэ жьэжьейр.
♦1964 гъэм Австрием щыщ Инсбрук къалэм IХ ЩIымахуэ Олимп Джэгухэр къыщызэIуахащ. Олимпиадэр щIышылэм и 29 - мазаем и 9-хэм екIуэкIащ. Абы щыгъуэщ Iэжьэм ису бгым къежэхынымкIэ япэ зэпеуэхэр щекIуэкIауэ щытар.
♦1992 гъэм Лениным и цIэр зэрихьэу Москва дэт къэрал библиотекэм зэреджэр Урысей къэрал библиотекэ жиIэу зэрахъуэкIащ.
♦2000 гъэм дунейм щынэхъыбэ дыдэ саугъэтыр къихьэхуащ Лас-Вегас щыщ, официанткэу лажьэ Джей Синтие. Зэрыджэгу автоматкIэ абы къихьат доллар мелуан 34.959.458-рэ.
♦2001 гъэм КъБР-м и цIыхубэ усакIуэ, Социалист Лэжьыгъэм и ЛIыхъужь КIыщокъуэ Алим дунейм ехыжащ
♦1843 гъэм къалъхуащ США-м и 25-нэ президент, а къэралым и унафэщI нэхъыфI дыдэхэм ящыщу щытауэ къалъытэ Мак-Кинли Уильям.
♦1860 гъэм къалъхуащ урыс тхакIуэ, драматург цIэрыIуэ, дохутыр, дунейпсо литературэм и классик Чехов Антон.
♦1866 гъэм къалъхуащ Франджым щыщ тхакIуэ, жылагъуэ лэжьакIуэу щыта, Нобель игъэува саугъэтыр литературэмкIэ (1915 гъэм) зыхуагъэфэща Роллан Ромен.
♦1941 гъэм къалъхуащ критик, АКъУ-м и профессору щыта, филологие щIэныгъэхэм я доктор Чэмокъуэ Тыркубий.
♦1949 гъэм къалъхуащ футболисту щыта, тренер, журналист, Урысейм спортымкIэ щIыхь зиIэ и мастер Ловчев Евгений.
♦1954 гъэм къалъхуащ балетмейстер, КъБР-м и цIыхубэ артист Думэныщ Iэулэдин.
♦1965 гъэм къалъхуащ Чехием щыщ хоккеист цIэрыIуэ, къэралым и командэ къыхэхам и гъуащхьэтету илъэс куэдкIэ щыта, Стэнли и кубокыр тIэунейрэ зыхуагъэфэща, олимп чемпион Гашек Доминик.
♦1966 гъэм къалъхуащ Бразизием щыщ футболист цIэрыIуэ, 1994 гъэм екIуэкIа дунейпсо чемпионатым гъуащхьауэ нэхъыфIу къыщалъыта Ромарио де Соузэ Фарие.
♦1970 гъэм къалъхуащ урысей композитор, уэрэджыIакIуэ цIэрыIуэ, УФ-м и цIыхубэ артист Маликов Дмитрий.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ. Махуэм хуабэр градуси 4 – 5, жэщым щIыIэр I градус щыхъунущ.
Лъэпкъ Iущыгъэ:
Махуаем бгъуэтыжыр ныбжьэгъущ.
