Тхылъ нэпцIкIэ зекIуэртПолицэм и лэжьакIуэхэм Дзэлыкъуэ щIыналъэм щаубыдащ щыхьэт тхылъ нэпцI зыIыгъ транспортзехуэр. Урысейм и МВД-м Управленэу Кавказ Ищхъэрэм щыIэм и лэжьакIуэхэм «Малка» къэрал къэпщытакIуэ пунктым деж къыщагъэувыIащ «Тойота» автомашинэр. Белгород областым щыщ, илъэс 27-рэ зи ныбжь цIыхухъум паспортым и пIэкIэ водителым и щыхьэт тхылъыр къаригъэлъэгъуащ. ИрагъэкIуэкIа къэпщытэныгъэхэм сэтей къащIащ тхылъыр зэрынэпцIыр - транспортым дэсым апхуэдэ бжыгъэрэ сериерэ зэрыт удостоверенэ зэи зыщIыпIи къыщрататэкъым. МВД-м къэпщытэныгъэхэмкIэ и къудамэм и лэжьакIуэхэм къызэрахутамкIэ, Гознакымрэ полиграф дамыгъэхэмрэ зэтемыхуэныгъэхэр яIэт. Яубыдам зыиумысыжащ, транспортым дэтIысхьэну хуимыту хабзэкIэ къыщраухылIэм, ИнтернетымкIэ дэфтэр нэпцI зэрызэригъэпэщамкIэ. 2023 гъэм гъатхэпэм и 25-м ар къищэхуат, сом мин 60 щIитри. Урысейм и МВД-м Дзэлыкъуэ щIыналъэм щиIэ къудамэм дэфтэр нэпцIыр къызыкъуахам ехьэлIа уголовнэ Iуэху къиIэтащ Урысей Федерацэм и Уголовнэ кодексым и 327-нэ статьям и 2-нэ Iыхьэм (дэфтэр, къэрал дамыгъэ, мыхъур, бланк нэпцIхэр ягъэхьэзырынуи къагъэсэбэпынуи зэрыхуимытыр зыубзыхум) ипкъ иту. Дэфтэр нэпцIыр зыгъэхьэзыру зыща сайтыр зейхэри иджыпсту къалъыхъуэ.
Поделиться:
Читать также:
04.05.2024 - 14:38 →
Тэрчдэсхэр щогуфIыкI
04.05.2024 - 13:34 →
Гъуэгу махуэ тет мафIэгур
04.05.2024 - 11:18 →
Ди хъугъуэфIыгъуэхэм щIохъуэпс
04.05.2024 - 10:01 →
Гъунэгъу республикэм и махуэшхуэ
03.05.2024 - 16:00 →
ЩIыпIэ телъыджэу 40
|