ПсынщIэу шахмат джэгунымкIэ зэпоуэ

10 мая, 2023 - 14:22

Мы спорт лIэужьыгъуэмкIэ республикэм нэхъ зэфIэкI щызиIэхэр иджы 13-нэу ягъэбелджылащ.
Джэгугъуэ бгъуэрыбгъуэкIэ зэрыгъэунэхуа иужь, япэ увыпIэр Налшык щыщхэу Елъкъэн Давид, етIуанэр Щыхьмырзэ ФатIимэ къахьащ, ещанэ хъуащ Прохладнэ къалэм къикIа Вулах Валерий.
КъызэгъэпэщакIуэхэмрэ езыгъэкIуэкIахэмрэ къызэралъытамкIэ, зи ныбжьыр илъэс 18 иримыкъуахэм я деж нэхъыфIу Текуев Эмир къыщалъытащ, илъэс 14 зи ныбжьхэм Жабоев Iэдэм къыхагъэщащ. Хъыджэбз цIыкIухэм ящыщу Мирзоевэ Лиланэ нэхъыфIу ябжащ. Абыхэм саугъэт щхьэхуэ иратащ. Ахэр псори зи гъэсэныр КъБР-м СпортымкIэ и министерствэм и спорт школырщ.

ШАФИЙ Аслъэн.
  • 56 просмотров
Поделиться: