ТекIуар адэкIэ мэкIуатэНалшык къалэ дэт «Гладиатор» спорт комплексым мэлыжьыхьым и 29 - 30-хэм щекlуэкlащ Кавказ Ищхъэрэ федеральнэ щIыналъэм хыхьэ хэгъэгухэм я спортсмен ныбжьыщIэхэм тхэквондомкlэ я зэпеуэ (ВТФ). Кадетхэмрэ (2010 - 2011 гъэхэм къалъхуахэр) нэхъыщIэхэмрэ (2012 – 2013 гъэхэм дунейм къытехьахэр) щызэхаша зэIущIэм хэтащ спортсмен 200-м щlигъу. Къэбэрдей-Балъкъэрым и гупым щыщу зэпеуэм зи Iэзагъэр къыщызыгъэлъэгъуа Хьэщыкъуей Руслан ещанэ увыпIэр къихьащ. И хьэлъагъ елъытауэ (килограмм 32-рэ) ар зыхэхуа гупым спортсмен 16 хэтащ. АтIэми, Хьэщыкъуейм бжьыпэр къыщихьащ Ингуш, Къэрэшей-Шэрджэс республикэхэм къикIа спортсмен ныбжьыщIэхэр хьэрхуэрэгъу къыщыхуэхъуа япэ зэIущIитIым, уеблэмэ дэтхэнэми хухаха зэманыр имыкI щIыкIэ ятекIуэу. Иужьрей зэIущIэгъуэм хэхуэн папщIэ, Руслан иджыри зы ингуш щIалэ - Уциев Магомед - къыпэщIэтащ. Удэзыхьэхыу икIи гъэщIэгъуэну екIуэкIа а зэIущIэм хьэщIэр нэхъ ерыщу къыщыщIэкIри, зэпеуэр абы ихьащ, и бжыгъэр 14 - 16-у. Зэхьэзэхуэм Руслан хуэзыгъэхьэзырар Кэнжэ къуажэм дэт «Пять колец» спортакадемием и гъэсакIуэхэу Унэжокъуэ Абделджэбаррэ Бозий Муслъимрэщ. Иджы екIуэкIа зэIущIэм щытекIуахэм Iэмал ягъуэтащ Ростов областым и Шахты къалэм мэкъуауэгъуэм и 12 - 14-хэм щызэхашэну урысейпсо зэпеуэм кIуэну.
Поделиться:
Читать также:
03.05.2024 - 17:48 →
Спортсмен цIэрыIуэм и фэеплъу
03.05.2024 - 16:51 →
Алим кIэух зэпеуэм хэтынущ
03.05.2024 - 15:27 →
ЕтIуанэ увыпIэр къахь
03.05.2024 - 09:58 →
Балъкъыз Камилэ дыщэ медаль къехь
02.05.2024 - 16:33 →
Гуп зэпеуэм щыяпэщ
|