Ульбашев Iэдэм и етIуанэ увыпIэ

         Каспийск къалэм алыдж-урым бэнэкIэмкIэ зэхьэзэхуэ щекIуэкIащ. Ар еплIанэу ирагъэкIуэкIащ Суракат Асиятилов и фэеплъу. Мыбы хэтащ илъэс 21-рэ нэхъ мынэхъыжь спортсмен 200-м нэблагъэ. Урысейм и щIыпIэ зэмылIэужьыгъуэ куэдым къищынэмыщIауэ, Белорусым, Ираным, Къэзахъстаным, Къыргъызым, Армением къикIа бэнакIуэхэри щымэщIакъым.

         Килограмм 55-рэ зи хьэлъагъ гупым фIыуэ зыкъыщигъэлъэгъуащ ди спортсмен Ульбашев Iэдэм. Зы текIуэныгъэ закъуэщ хуримыкъужар япэ увыпIэр къихьын папщIэ. Мэзкуу областым щыщ Амиров Албэч къытекIуэри, Iэдэм апхуэдэ щIыкIэкIэ етIуанэ увыпIэр къихьащ.