Зы дыщэрэ зы дыжьынрэ

28 ноября, 2023 - 15:13

Шэшэн Республикэм бэнэкIэ хуитымкIэ  и япэ дунейпсо чемпион, СССР-м спортымкIэ щIыхь зиIэ и мастер Бисултанов Аслъэнбэч и фэеплъ урысейпсо зэхьэзэхуэ иджыблагъэ Грознэ къалэм щекIуэкIащ. Абы хэтащ къэралым и щIыналъэхэм ящыщу 15-м я спортсмен ныбжьыщIэу 240-м щIигъу.

 Зэхьэзэхуэм и пщIэр яIэту ар зэрекIуэкIам кIэлъыплъащ Олимп джэгухэм щэнейрэ щытекIуа Сайтиев Бувайсар, Олимп джэгухэм я чемпион Отарсултанов Джамал, дунейпсо чепионатхэм тIэу щытекIуа Муртазалиев Махач, СССР-м и чемпион Бадалов Руслан сымэ, нэгъуэщI бэнакIуэ цIэрыIуэхэри.

         Зэхьэзэхуэм къыщыхэжаныкIащ Къэбэрдей-Балъкъэрым и гъэсэн Iэщын Алихъан. И хьэлъагъ елъытауэ ар зыхэта гупым (кг 61-рэ) дыщэ медаль къыщихьащ. ЕтIуанэ увыпIэм дэкIуеящ килограмм 79-рэ зи хьэлъагъхэм я деж щыбанэ  Маргъущ Джэмал.

                                                                       АЛЫДЖЫКЪУЭ Руслан.

 

 

 

  • 49 просмотров
Поделиться: