Афганистаным щыIахэм я щIыхькIэСоветыдзэхэр Афганистаным къызэрырашыжрэ илъэс 35-рэ зэрырикъум и щIыхькIэ иджыблагъэ Налшык къалэм щызэхашат Iэпщэрыбанэ зауэ спорт лIэужьыгъуэмкIэ зэхьэзэхуэ зэIуха. Абы кърихьэлIащ республикэм и щIыналъэ псоми я спортсмен ныбжьыщIэу 120-м щIигъу, я ныбжькIэ илъэс 12 - 13, 14 - 15 хъухэу. Я хьэлъагърэ я ныбжьрэ елъытауэ, ахэр щIэбэнащ медаль комплекту 16-м.
Республикэ зэхьэзэхуэ зэIухар мы гъэм 17-нэу ди щIыналъэм щрагъэкIуэкI икIи ар къызэрагъэпэщащ Афганистаным щызэуахэм, щIыпIэ-щIыпIэкIэрэ щекIуэкIа зауэхэмрэ зэпэщIэтыныгъэхэмрэ хэтахэм я зэгухьэныгъэмрэ зауэм ныкъуэдыкъуагъэ къыхэзыхахэм я «ВоИн» Урысейпсо жылагъуэ зэгухьэныгъэм и къудамэу КъБР-м щыIэмрэ.
Афган зауэм и ветеран, генерал-лейтенант Щоджэн Хьэчим ныбжьыщIэхэм псалъэ гуапэкIэ захуигъэзащ икIи къыхигъэщащ спортым ехъулIэныгъэфIхэр нобэ къыщызыгъэлъагъуэ ныбжьыщIэхэм иужькIэ къэралым и хъумакIуэ лъэщхэр къазэрыхэкIынур, хэкум и щIыхьыр сыт щыгъуи яхъумэну абы хуэхьэзыру зэрыщытынур, нэхъыжьыфIхэм я пщIэр зэраIыгъынур и фIэщ зэрыхъур.
Зэхьэзэхуэм къыщыхэжаныкIахэм иратащ медалхэр, кубокхэр, щIыхь тхылъхэр. Абы нэмыщI, нэхъыфIу къалъыта спортсменхэр хагъэхьащ урысейпсо зэхьэзэхуэхэм ягъэкIуэну гупым.
Поделиться:
Читать также:
05.05.2024 - 11:00 →
КъБР-м и Iэтащхьэ КIуэкIуэ Казбек IутIыж махуэшхуэм теухуа и хъуэхъу
04.05.2024 - 14:38 →
Тэрчдэсхэр щогуфIыкI
04.05.2024 - 13:34 →
Гъуэгу махуэ тет мафIэгур
04.05.2024 - 11:18 →
Ди хъугъуэфIыгъуэхэм щIохъуэпс
04.05.2024 - 10:01 →
Гъунэгъу республикэм и махуэшхуэ
|