ЩIалэгъуалэр Iейм щахъумэу

4 апреля, 2024 - 15:39

Налшык къалэ полицэм и 2-нэ къудамэм и лэжьакIуэхэмрэ УМВД-м и Жылагъуэ советым хэт Аттоевэ Дианэрэ КъБР-м и колледжитIым щеджэхэм яIущIащ, экстремизмымрэ терроризмымрэ щымыгъэIэнымкIэ епсэлъэну.

«УхуакIуэхэм» я колледжымрэ «Къэбэрдей-Балъкъэр автодорожнэ колледжымрэ» я студентхэм щахуэзам хабзэхъумэхэр тепсэлъыхьащ экстремизмымрэ терроризмымрэ щымыгъэIэнымкIэ, афияныр зэIэпыхыным пэщIэтынымкIэ, интернетым къыщекIуэкI гъэпцIагъэмрэ щIэпхъаджагъэмрэ щIалэгъуалэм щыхъумэнымкIэ лэжьын хуейм.

Зи ныбжьыр балигъыпIэ нэмысахэмкIэ инспектор, полицэм и майор Къаншокъуэ Аленэ, полицэм и капитанхэу Беслъэней Залинэрэ Мэкъушэ Расмиерэ студентхэм къагурагъэIуащ зэрымыщIэкIэ терроризмымрэ экстемизмымрэ хэпщIа хъумэ, щIэн хуейр. КъищынэмыщIауэ, апхуэдэ щIэпхъаджащIэхэм административнэ,  уголовнэ жэуап зэрахьыр къыхагъэщащ.

Хабзэхъумэхэм жаIащ зэIущIэм къыщаIэта упщIэхэм теухуауэ республикэм «телефон щэху» зэрыщылажьэр, жэщ-махуэ имыIэу упсалъэмэ дэIэпыкъуэгъу зэрагъуэтынур.

ФЫРЭ  Анфисэ.

 

  • 16 просмотров
Поделиться:

Читать также:

03.05.2024 - 16:00 → ЩIыпIэ телъыджэу 40
03.05.2024 - 13:15 → Мэрем фIыгъуэм зыхэвмыгъэкIыж
03.05.2024 - 12:26 → Я нэIэм щIэтынущ
03.05.2024 - 11:18 → Гъавэ бэвыр я плъапIэщ
02.05.2024 - 14:22 → Хэкур зыфIэкIуэдам псори фIэкIуэдащ