Нобэ♦Адыгэхэм (шэрджэсхэм) я дунейпсо махуэщ ♦Белоруссием и таможенникым и махуэщ ♦Осетие Ипщэм щагъэлъапIэ я къэралыгъуэр щагъэува махуэшхуэр. 1990 гъэм фокIадэм и 20-м Осетие Ипщэм и лъэпкъ суверенитетым теухуа декларацэр къащтащ. ♦1862 гъэм Санкт-Петербург къэрал консерваторэр къызэIуахащ. Ар Урысейм и япэ музыкэ еджапIэ нэхъыщхьэщ. ♦1918 гъэм Красноводск къалэм инджылыз интервентхэм щаукIащ Кавказ ЩIыбым совет властыр щыгъэувыным и унафэр зыIэщIэлъа, Баку щыщ комиссар 26-рэ. ♦1936 гъэм Бахъсэн ГЭС-р лажьэу яутIыпщащ. ♦1990 гъэм Украинэм и къэрал суверенитетым теухуа декларацэр къащтащ. ♦1999 гъэм Мэлбахъуэ Тимборэ дунейм ехыжащ. ♦1999 гъэм Горбачёвэ Раисэ дунейм ехыжащ. ♦2002 гъэм Кармадон аузым мыл уэсукхъуэ къыщехащ. Абы щыгъуэ хэкIуэдахэм ящыщщ режиссёр Бодров Сергейрэ «Связной» фильмыр тезыхыу абы щIыгъуахэмрэ. ♦2002 гъэм Алыджым и къалащхьэ Афины къыщызэIуахащ къалэ Iэтащхьэхэм я дунейпсо конференц. ♦1754 гъэм къалъхуащ урысей император Павел Езанэр. ♦1922 гъэм къалъхуащ совет къэрал къулыкъущIэ, политик, Социалист Лэжьыгъэм и ЛIыхъужь Ахъмэт Мусэбий. ♦1922 гъэм къалъхуащ Адыгэ Республикэм и цIыхубэ тхакIуэ, АР-м и Къэрал саугъэтым и лауреат, УФ-м щэнхабзэмкIэ щIыхь зиIэ и лэжьакIуэ ХьэдэгъэлI Аскэр. ♦1934 гъэм къалъхуащ Италием щыщ киноактрисэ цIэрыIуэ Лорен Софи. ♦1937 гъэм къалъхуащ химие щIэныгъэхэмкIэ доктор, КъБКъУ-м и профессор, жылагъуэ лэжьакIуэ Шурдым Барэсбий. ♦1944 гъэм къалъхуащ КъШР-м и цIыхубэ усакIуэ Нэхущ Мухьэмэд. ♦1974 гъэм къалъхуащ урысей уэрэджыIакIуэ цIэрыIуэ, Къэбэрдей-Балъкъэрым къыщалъхуа Лель Катя (и цIэ-унэцIэ дыдэр Чупрининэ Екатеринэщ). ♦1987 гъэм къалъхуащ бэнэкIэ хуитымкIэ дуней псом щэнейрэ щытекIуа, Олимп джэгухэм я чемпион Махуэ Билал. Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 20 - 22-рэ, жэщым градус 15 - 16 щыхъунущ. Лъэпкъ Iущыгъэ: Фащэм я нэхъ дахэр укIытэщ.
Поделиться:
Читать также:
17.05.2024 - 07:16 →
Нобэ
16.05.2024 - 09:08 →
НОБЭ
15.05.2024 - 16:22 →
Хьэрш къэхутэныгъэщIэхэр
15.05.2024 - 15:10 →
Дэтхэнэри дыхуэныкъуэщ
15.05.2024 - 12:44 →
НОБЭ
|