ЩIыналъэщIэхэр зэфIагъэувэж

27 мая, 2023 - 08:00

КъБР-м и Iэтащхьэ КIуэкIуэ Казбек хэтащ видеоконференц IэмалкIэ екIуэкIа, УФ-м ЩIыналъэхэм зегъэужьынымкIэ и комиссэм и Президиумым и зэIущIэм. Къызэхуэсахэр тепсэ­лъыхьащ Донецк, Луганск цIыхубэ республикэхэмрэ Запорожье, Херсон областхэмрэ я инфраструктурэр зэфIэгъэувэжа зэрыхъуну щIыкIэм. ЗэIущIэр иригъэкIуэкIащ УФ-м и Правительствэм и УнафэщIым и къуэдзэ Хуснуллин Марат.

Фигу къэдгъэкIыжынщи, мэлыжьыхьым и кIэм УФ-м и Правительствэм и УнафэщI Мишустин Михаил ди къэралым щыщ хъужа щIыналъэщIэхэм 2023 - 2025 гъэхэм зэрызаужьыну жылагъуэ-экономикэ программэм Iэ щIидзащ. Абы ипкъ иткIэ, щIыналъэ­щIэхэр зэфIагъэувэжын папщIэ ирагъэкIуэкI ухуэныгъэ лэжьыгъэ псоми Урысейр хэпщIауэ щытынущ. 
Къэбэрдей-Балъкъэрри жыджэру а къалэным пэрыуващ. Дызэрыт илъэсыр имыух щIыкIэ, Iуэху куэд щызэфIагъэкI центрхэр яухуэнущ, псэупIэ-коммунальнэ хозяйствэм и инфраструктурэр, жылагъуэ IуэхущIапIэхэр, псэупIэхэр зэрагъэпэщыжынущ. 2023 гъэм ухуэныгъи 5-м елэжьынущ, адрей илъэсхэм а бжыгъэр 17-м нэсынущ. 2022 гъэм и кIуэцIкIэ ди республикэм и къарукIэ ухуэныгъи 8 зэIузэпэщ ящIащ. 

  • 35 просмотров
Поделиться: