Я нэIэм щIэтщ

«Къуажэхэм зегъэужьын» къэрал программэм ипкъ иту Бахъсэн щIыналъэм хиубыдэ Псыхъурей къуажэм ЩэнхабзэмкIэ унэ щаухуэ, сабий садыр щызэрагъэпэщыж.
Мы зэманым ирихьэлIэу садым екIуалIэ уэздыгъэ кIапсэхэр яхъуэжри, пэш кIуэцIхэмрэ щIыхьэпIэхэмрэ иужь ихьащ. ЩэнхабзэмкIэ унэжьыр ирахауэ иджыпсту лъабжьэр ягъэтIылъ. ЩIыналъэм и унафэщIхэр ухуэныгъэхэр зэрекIуэкIым кIэлъоплъ икIи я зэфIэкI псори ирахьэлIэ къыхуагъэува пIалъэм фIимышу лэжьыгъэхэр зэрызэфIахыным.
«Унагъуэ быдэ» парт проектым хиубыдэу Бахъсэн щIыналъэм къыщапщытащ топ джэгупIэ IэрыщIхэм я щытыкIэр. «Урысей зэкъуэт» партым и район къудамэм хэтхэмрэ щIыналъэ администрацэм и лэжьакIуэхэмрэ зэгъусэу щIыпIэ псори къызэхакIухьащ икIи зрагъэлъэгъуащ, губгъуэ IэрыщIхэм ямызакъуэу, джэгупIэхэм ит адрей спорт хуэIухуэщIэхэми я щытыкIэр: гъуащхьэхэр зыIыгъ гъущI пкъохэр, ахэр зэрыщIэгъэжыкIа бетоным я быдагъыр, къэухьхэр. Абыхэм къагъуэтакъым ныкъусаныгъэ гуэри. Псори хабзэм тету яухуащ, сэкъат мащIэ зиIахэри и чэзум зэрызэрагъэпэщыжыр нэрылъагъуу. Къэхутэныгъэхэм я къалэн нэхъыщхьэу щытар гъэмахуэ зыгъэпсэхугъуэм къриубыдэу апхуэдэ джэгупIэхэм зэман нэхъыбэ щызыгъакIуэ сабийхэр фэбжьхэм ящыхъумэнырщ.