Пхъэм къыхэщIыкIа хьэщIэщхэрКъэбэрдей-Балъкъэрым щIыуэпс хъугъуэфIыгъуэхэмрэ экологиемкIэ и министр Шаваев Ильясрэ Киров областым мэз хозяйствэмкIэ и министр Тетерин Андрейрэ унэ зыухуэхэм иджыблагъэ яIущIащ. Лэжьыгъэ IуэхукIэ областым кIуа ди лIыкIуэхэм яхэтащ Шаваеври. Министрым къызэрыхигъэщамкIэ, ди республикэм и мэзхэм гектар мин 200-м нэблагъэ яубыд, абыхэм я нэхъыбэри туристхэм зыщагъэпсэху щIыпIэу къагъэсэбэп. Туризмэм республикэм жыджэру зыщиужь зэпытщ, икIи абы къыхэкIыу пхъэм къыхэщIыкIа, фIагъ лъагэ зиIэ хьэщIэщхэр, унэ цIыкIухэр яухуэныр яфIэигъуэщ. ЗэрыгурыIуэгъуэщи, Урысей Федерацэм и щIыналъэхэм туристхэр нэхъыбэу здэкIуэхэм ящыщщ Къэбэрдей-Балъкъэрыр, псом хуэмыдэу цIыхухэм яфIэфIщ бгылъэ щIыпIэхэм зыщагъэпсэхун. Киров областым и унэухуэхэр яфIэхьэлэмэту икIи дихьэхыу едэIуащ Шаваев Ильэс къыхилъхьа Iуэхугъуэхэм, иужькIи зэрызэдэлэжьэну щIыкIэхэр яубзыхуну зэгурыIуащ. Фигу къэдгъэкIыжынщи, Къэбэрдей-Балъкъэрымрэ Киров областымрэ иджыблагъэ зэгурыIуэныгъэ зэращIылIащ сату-экономикэ, щIэныгъэ-техникэ, социальнэ, щэнхабзэ, нэгъуэщI IэнатIэхэми щызэдэлэжьэну. Абы къыщыгъэлъэгъуащ унэтIыныгъэ 20-м нэблагъэ. ХЬЭЩЫКЪУЕЙ Олег.
Поделиться:
Читать также:
18.05.2024 - 10:48 →
Унагъуэращ Хэкур къыщежьэр
17.05.2024 - 17:37 →
ЗыплъыхьакIуэм и еплъыкIэ
17.05.2024 - 15:35 →
Мазищым кърикIуахэр
17.05.2024 - 12:26 →
КъэкIыгъэхэм я нэIэ тетщ
16.05.2024 - 19:35 →
ГукъэкIыжхэр гъащIэм щыщу
|