ЕрыскъыхэкIхэм я гъэлъэгъуэныгъэм

Санкт-Петербург къалэм и «Экспофорум» гъэлъэгъуэныгъэ центрым иджыблагъэ щекIуэкIащ «ПЕТЕРФУД-2023» 32-нэ дунейпсо гъэлъэгъуэныгъэр. ЕрыскъыхэкI зэмылIэужьыгъуэ куэд утыку къыщрахьа абы и лэжьыгъэм хэтащ икIи я продукцэхэр щагъэлъэгъуащ Къэбэрдей-Балъкъэрым и лIыкIуэхэу «Фрутопьяно» IуэхущIапIэр, «Эльбрус-К» IэфIыкIэ фабрикэр, хьэрычэт Iуэху щIэным хэт Мисиров Даниял сымэ.

Къэбэрдей-Балъкъэрым Экономикэ зыужьыныгъэмкIэ и министерствэм къызэритамкIэ, хьэрычэт Iуэху щIэным хэтхэм папщIэ къызэрагъэпэщат маркетингым хуэунэтIа мастер-классхэр, «стIол хъурейхэр», апхуэдэуи ахэр зэхъуэжащ бизнесым зегъэужьыным ехьэлIауэ яIэ Iуэху еплъыкIэхэмкIэ, я лэжьэкIэхэм теухуа чэнджэщхэри зэIэпахащ. 
Къэбэрдей-Балъкъэрым и лIыкIуэхэр гъэлъэгъуэныгъэхэм хэтащ«Хьэрычэт Iуэху мыинымрэ курытымрэ» лъэпкъ проектым ипкъ иткIэ, КъБР-м Экономикэ зыужьыныгъэмкIэ и министерствэм и центрым и дэIэпыкъуныгъэ хэлъу.