Ласицкене Марие илъэсыр текIуэныгъэкIэ ирегъажьэКъэбэрдей-Балъкъэрым СпортымкIэ и министерствэм и пресс-IуэхущIапIэм къызэритамкIэ, Екатеринбург къалэм и «Луч» спорткомплексым атлетикэ псынщIэмкIэ иджыблагъэ щекIуэкIащ «Рождественские старты» фIэщыгъэр зезыхьэ 33-нэ урысейпсо зэхьэзэхуэр. Ар и фэеплъу щытащ къэрал къулыкъущIэ, спортым зегъэужьыным хэлъхьэныгъэфI хуэзыщIа Яламов Эдуард. Зэхьэзэхуэм кърихьэлIахэр нэхъыбэу дэзыхьэхар икIи яфIэгъэщIэгъуэну зыкIэлъыплъар цIыхубзхэм лъагапIэм елъэнымкIэ я зэпеуэрщ. КъызэрытлъытэмкIэ, абы апхуэдэ гулъытэ щIигъуэтар ди къэралми дунейми а спорт лIэужьыгъуэмкIэ цIэрыIуэ щыхъуа Ласицкене (Кучинэ) Марие а зэпеуэм зэрыхэтарщ. Ди гуапэ зэрыхъущи, Къэбэрдей-Балъкъэрым щыщ бзылъхугъэм мыбдежми бжьыпэр занщIэу щиубыдащ икIи дыщэ медалыр зыIэщIигъэкIакъым. Зэхьэзэхуэм зэрыщIидзэу Ласицкене Марие япэ бгъэдыхьэгъуэхэм зэкIэлъхьэужьу къищтащ сантиметри 175-рэ, 179-рэ, 183-рэ, 186-рэ, 189-рэ хъу лъагапIэхэр. ИужькIэ, чемпион хъуакIэу, Марие яужь итащ сантиметри I94-рэ хъу лъагапIэм щхьэпрылъыну, ауэ бгъэдыхьэгъуищми ар къехъулIакъым. Зэпеуэм и дыжьын медалыр къихьащ Королевэ Кристинэ (см 186-рэ), ещанэ хъуащ Кочановэ Марие. Абыи къищтар сантиметр 186-рэщ, ауэ бгъэдыхьэгъуэу нэхъыбэ тригъэкIуэдащ. Фигу къэдгъэкIыжынщи, Ласицкене Марие Олимп джэгухэм я чемпионкэщ, абы япэ зэи къэмыхъуауэ щIыбым щрагъэкIуэкI хабзэ дунейпсо чемпионатхэм щэнейрэ щытекIуащ, спортзалхэм щрагъэкIуэкI дунейпсо чемпионатхэр тIэу къихьащ, европей чемпионатхэм щэнейрэ щытекIуащ: зыр щIыбым, тIэу – спортзалым. Урысей Федерацэм и чемпионкэ хэнейрэ хъуащ. Ласицкене Марие зэхьэзэхуэхэм хэтщ КъБР-мрэ Мэзкуу областымрэ я щIыхьыр ихъумэу, и тренерыр Габрилян Геннадийщ. ХЬЭЩЫКЪУЕЙ Олег.
Поделиться:
Читать также:
04.05.2024 - 11:00 →
Урысейм и чемпион Шэрий Иналбэч
03.05.2024 - 17:48 →
Спортсмен цIэрыIуэм и фэеплъу
03.05.2024 - 16:51 →
Алим кIэух зэпеуэм хэтынущ
03.05.2024 - 15:27 →
ЕтIуанэ увыпIэр къахь
03.05.2024 - 09:58 →
Балъкъыз Камилэ дыщэ медаль къехь
|