Бжьамийхэр зэрахъуэкIШэджэм щIыналъэм жьы хъуа бжьамийхэр зэхъуэкIыным ехьэлIа лэжьыгъэхэр щокIуэкI. Псалъэм къыдэкIуэу, дызэрыт илъэсым Шэджэм Ипщэ къуажэм къыщагъэщIэрэщIэжынущ псори зэхэту километри 3,2-рэ зи кIыхьагъ бжьамийхэр. Псы къабзэр IуэхущIапIэхэм, унагъуэхэм зэрырашалIэхэр илъэс куэд дыдэ хъуауэ къагъэсэбэп икIи ахэр щIыпIэ-щIыпIэкIэрэ къыщыпхеудри, гугъу ирегъэхь. Иджы апхуэдэ бжьамийхэр зэхъуэкIыныр мы гъэм щызэхаублэнущ Каменкэ жылэм и Революционнэ уэрамым, Щхьэлыкъуэ и Мир, КIэрэфым и цIэр зезыхьэ уэрамхэм. Абыхэми я кIыхьагъыр зэхэту километри 4-м щIегъу. Шэджэм къалэм Пщынокъуэмрэ Къардэнхэмрэ я цIэхэр зезыхьэ уэрамхэми километритI зы кIыхьагъ бжьамиижьхэр щызэрахъуэкIынущ. Къыхэдгъэщынщи, 2020 гъэм къыщыщIэдзауэ «Псы къабзэ» къэрал программэм ипкъ иткIэ муниципалитетым и мылъкукIэ жьы хъуа бжьамийуэ километр 90-м нэблагъэ зэрахъуэкIащ, псы къызэрыщIаш ухуэныгъэу 10 ягъэуващ. ХЬЭЩЫКЪУЕЙ Олег.
Поделиться:
Читать также:
03.05.2024 - 13:15 →
Мэрем фIыгъуэм зыхэвмыгъэкIыж
03.05.2024 - 12:26 →
Я нэIэм щIэтынущ
03.05.2024 - 11:18 →
Гъавэ бэвыр я плъапIэщ
02.05.2024 - 14:22 →
Хэкур зыфIэкIуэдам псори фIэкIуэдащ
02.05.2024 - 12:43 →
Джэш хъурейм яужь йохьэ
|