Дохутырхэм я зэфIэкIУзыншагъэ
Республикэ клиникэ сымаджэщым и дохутырхэм иджыблагъэ операцэ телъыджэ ирагъэкIуэкIащ. Iэзагъэшхуэ къагъэлъагъуэу абыхэм цIыхухъум и тхьэмбылым хэлъа мастэ кIыхьыр къыхахыжащ.
1982 гъэм къалъхуа цIыхухъум дохутырхэм захуигъэзат и бгъэгур къызэреузымкIэ тхьэусыхэу. Иужьрей мазитI-щым ар и узыншагъэм нэхъ къигъэгузавэу хъуат: щIэх-щIэхыурэ къыхэпсчыкIырт, апхуэдэхэм дежи щыбауэкIи и бгъэчыр, къыхигъэзыхьу, къеузырт. Дохутырхэм абы и щытыкIэр къыщапщытэм, и тхьэмбыл ижьым щымыщ пкъыгъуэ гуэр хэлъу къалъэгъуащ.
Операцэ ящIри, мастэшхуэ тхьэмбылым къыхахыжащ. Дохутырхэм зэрыжаIэмкIэ, Iуэхур гугъуехь хэмылъу зэфIэкIащ, сымаджэм и щытыкIэри хъарзынэщ.
КъызэрыщIэкIамкIэ, мастэр цIыхухъум и тхьэмбылым илъэси 10 хъуауэ хэлът. Ар къызэрыхъуа щIыкIэм теухуа хъыбарым дохутырхэм и гугъу ящIакъым.
Поделиться:
Читать также:
02.05.2024 - 12:43 →
Джэш хъурейм яужь йохьэ
30.04.2024 - 12:00 →
Италием бзылъхугъэу исым дахагъэкIэ ефIэкI адыгэ анэт
30.04.2024 - 10:00 →
Интернет хабзэншагъэм зэгъусэу пэщIоувэ
30.04.2024 - 09:00 →
КхъухьлъатэхэмкIи зызэпащIэ
28.04.2024 - 13:01 →
Архитекторхэм я зэфIэкIхэр
|