Зэныбжьэгъугъэм и чэзузэIэпыхКъэбэрдей-Балъкэрыр къызэрызэрагъэпэщрэ илъэси I00 щрикъум, Урысейм ис лъэпкъхэм я щэнхабзэ Iэужьым и илъэсым хуэгъэпсауэ ди щIыналъэм къыщызэрагъэпэщащ цIыхубэ творчествэмкIэ «Эстафета дружбы» фIэщыгъэм щIэт фестиваль. А Iуэхум и къалэн нэхъыщхьэр ди щIыналъэм ис лъэпкъхэм я щэнхабзэ бейм, хабзэ дахэм, щыIэкIэ-псэукIэм, лъэпкъ IэрыкIхэм нэIуасэ хуэщIынырщ, КъБР-м и щIыналъэхэм я зэхуаку дэлъ мамырыгъэр гъэбыдэнырщ, абы зегъэужьынырщ. Лэскэн щIыналъэм и творческэ гупхэр Тэрч щIыналъэм хыхьэ Болэтей къуажэм иджыблагъэ къахуеблагъэри гуфIэгъуэ дауэдапщэ ин щрагъэкIуэкIащ. ХьэщIэхэм ЩэнхабзэмкIэ унэм и бжэIупэм гуапэу, уэрэдрэ макъамэкIэ щапежьащ. Абдеж къыщызэрагъэпэща гъэлъэгъуэныгъэм къуажэм и тхыдэм, абы къыдэкIа цIыху цIэрыIуэхэм хьэщIэхэр нэIуасэ щыхуащIащ. Фестивалым ипкъ иткIэ утыкум зыкъыщагъэлъэгъуащ Лэскэн щIыналъэм и творческэ гупхэмрэ Болэтей къуажэм ейхэмрэ. - Дэ иджы япэу Болэтей къуажэм дыкъэкIуауращ, - жеIэ Лэскэн щIыналъэм Щэнхабзэмрэ щIалэгъуалэ политикэмкIэ къудамэм и унафэщI Насып Люсенэ. – Къуажэдэсхэр къызэрымыкIуэу гуапэу къытпежьэри дагъэхьэщIащ, езы къуажэри дигу ирихьащи, къытедгъэзэну ди мурадщ. А пщыхьэщхьэ дыдэм Тэрч щIыналъэм и творческэ гупхэр хэтащ Лэскэн щIыналъэм хыхьэ Анзорей къуажэ къыщызэрагъэпэща апхуэдэ фестивалым.
Поделиться:
Читать также:
05.05.2024 - 12:00 →
Гъуазджэм и хэщIапIэ
05.05.2024 - 11:00 →
ЦIыкIухэм ныпыр яфIэдахэщ
04.05.2024 - 09:00 →
Музейм и накъыгъэ гъэлъэгъуэныгъэхэр
30.04.2024 - 13:00 →
Гъатхэмэ къапех
28.04.2024 - 15:02 →
ЦIыху лъэужьыфIэм и фэеплъ
|