БлэкIам ухэзышэж лэжьыгъэхэрКъБР-м и Лъэпкъ музейм щагъэлъагъуэ республикэм и художник Уянаев Аслъэнджэрий и лэжьыгъэхэр. «Живопись, взгляд в прошлое» зыфIаща выставкэр къызэрагъэпэщащ сурэтыщIыр къызэралъхурэ илъэс 60 зэрырикъум и щIыхькIэ. ЩIыналъэм исхэм художникым тыгъэ хуищIа и гъэлъэгъуэныгъэр щIышылэм и кIэ пщIондэ лэжьэнущ. Гъэлъэгъуэныгъэм хагъэхьащ сурэтыщIым илъэс зэмылIэужьыгъуэхэм и Iэдакъэ къыщIэкIа лэжьыгъэ пщIы бжыгъэхэр. Пхъэм, щэкIым, Iуданэм къыхэщIыкIа лэжьыгъэ хьэлэмэтхэр макъамэр гум къэзыгъэкIщ, узыгъэгупсысэщ. Уянаев Аслъэнджэрий 1962 гъэм дыгъэгъазэм и 26-м Налшык къыщалъхуащ. КъБКъУ-м и инженернэ-ухуэныгъэ факультетым и архитектор IэщIагъэр 1985 гъэм зригъэгъуэтащ. А илъэс дыдэм Ленинград кIуэри, иджырей гъузаджэм дихьэхащ. Апхуэдэу сурэтыщI IэщIагъэм езыр-езыру зыхигъэгъуэзащ. Урысейм и мызакъуэу, хамэ къэрал куэдми и лэжьыгъэхэр щигъэлъэгъуащ. Мы зэманым Аслъэнджэрий республикэм къигъэзэжауэ гъуазджэм хуэлэжьэну и мурадщ. Уянаевым и Iэдакъэ къыщIэкIа сурэтхэр Урыс Къэрал музейм, Америкэм и Штат Зэгуэтхэм, Санкт-Петербург, нэгъуэщI къалэхэм щыIэ музейхэм, Урысеймрэ Германиемрэ щыпсэухэм ящыщу и лэжьыгъэхэм дихьэххэм яхъумэ.
Поделиться:
Читать также:
03.05.2024 - 14:24 →
ЦIЫХУР ЗЫХУЩЫIЭР ЦIЫХУРАЩ
03.05.2024 - 10:01 →
Куржы фIэщыгъэхэм я тхыдэ лъабжьэхэр
30.04.2024 - 13:00 →
Гъатхэмэ къапех
29.04.2024 - 10:01 →
Дахагъэ къэзыгъэщI
29.04.2024 - 10:01 →
Хэку лъагъуныгъэм теухуащ уэрэдхэр
|