Нэхъ лъэщхэр Нарткъалэ щызэхагъэкIЕрчэн Темболэт и цIэр зэрихьэу Нарткъалэ дэт спортымкIэ уардэунэм илъэс еханэ хъуауэ щокIуэкI армэ IэпщэрызауэмкIэ 115-нэ шуудзэм и республикэпсо фэеплъ зэхьэзэхуэ. Иджыблагъэ абы кърихьэлIат Къэбэрдей-Балъкъэрым и щIыпIэ куэдым къикIа ныбжьыщIэхэр. Зэхьэзэхуэм щIидзэным ипэкIэ къызэхуэсахэм псалъэ гуапэкIэ зыхуагъэзащ ДОСААФ-м и Ветеранхэм я советым и тхьэмадэ Мацыхъу Хъусен, Къэбэрдей-Балъкъэрым и Жылагъуэ палатэм хэт Абэнокъуэ Владимир, Нало Залым и цIэр зезыхьэ Техник ныбжьыщIэхэм я станцым и зауэ-хэкупсэ центрым и унафэщI Гулэжын Беслъэн КъБР-м Армэ IэпщэрызауэмкIэ и федерацэм и тхьэмадэ Шэрджэс Заурбэч сымэ. Абыхэм къыхагъэщащ щIэблэр узыншэу къэхъунымкIэ мыпхуэдэ зэпеуэхэм мыхьэнэшхуэ зэраIэр икIи ныбжьыщIэхэр яхуэфащэу щытын зэрыхуейр Хэку зауэшхуэм и лъэхъэнэм ТекIуэныгъэ Иныр къытхуэзыхьахэм.
Поделиться:
Читать также:
06.05.2024 - 15:33 →
Тхум щыщу тIум
06.05.2024 - 14:02 →
Спорт хъыбархэр
04.05.2024 - 11:00 →
Урысейм и чемпион Шэрий Иналбэч
03.05.2024 - 17:48 →
Спортсмен цIэрыIуэм и фэеплъу
03.05.2024 - 16:51 →
Алим кIэух зэпеуэм хэтынущ
|