Футбол

Урысей Федерацэм футболымкIэ зэкъуэтым и ет1уанэ лигэм и япэ гупым щекIуэкI зэхьэзэхуэм хыхьэ зы зэIущIэ зэхэтакъым.

Абы щыджэгу «Спартак-Налшык» и   хьэщIэн хуеящ ди гъунэгъу ЕсэнтIыгу къикIа командэр. АрщхьэкIэ, футболым къигъэув хабзэхэр ипэкIэ къызэрызэпиудам къыхэкIыу, чемпионатым хагъэкIащ. А щIыкIэм тету ди футболистхэм 3:0-у текIуэныгъэр къахьауэ къалъытащ.

Мэлыжьыхьым и 10-м щIидзауэ Къэбэрдей-Балъкъэрым футболымкIэ и федерацэм егъэбелджылы илъэс 35-м нэхърэ мынэхъыщIэхэр щыджэгуну чемпионатым хэтынухэр.        

Абы зыкъыщызыгъэлъэгъуэну командэхэм лъэIу тхылъыр тIуащIэу, спортсменхэм я паспортым траха копие, хэтыпщIэр зэрыхэфлъам щыхьэт техъуэ тхылъ езы федерацэм игъуэу щIалъхьэн хуейщ.

Футзал

Налшык дэт «Гладиатор» спорт IуэхущIапIэм щокIуэкI, зи ныбжьыр илъэс 22-рэ мынэхъыжь дэгухэм я зэхьэзэхуэ. Ар зэхэтынущ мэлыжьыхьым и 20-м пщIондэ. Къэбэрдей-Балъкъэр гупым нэмыщI, мыбы командэу 8 хэтщ Урысей Федерацэм и щIыпIэ зэмылIэужьыгъуэхэм къикIауэ.