Африкэм зехъуэж

11 июля, 2023 - 08:00

         Эфиопием и къухьэпIэ лъэныкъуэм щыIэ Бенишгангуль щIыналъэм щыщу цIыху 500 ислъам диным къихьащ.

         Ислъамыр къыщежьагъащIэм гугъу ирагъэхь муслъымэнхэр ЛIыкIуэ лъапIэу щэлатымрэ сэламымрэ зэхам Эфиопием Iэпхъуэну хуит ищIауэ щытащ. А къэралым тепщэгъуэр щызыIыгъ чыристан папщтыхь псэ къабзэр муслъымэнхэм еныкъуэкъу къурэйшхэм емыдаIуэу, щэхьабэхэм къащхьэщыжауэ щытащ а зэман жыжьэм.                  

          Абы и псапэм и лъэужь махуэ къыщIэкIынщ дызэрыт зэманым иджыри къэс чыристан диныр щытепщэу щыта Эфиопиер ислъам къэрал хуэм-хуэмурэ зэрыхъур. ЦIыху мелуани 110-рэ зэрыс къэралым и процент 35-р муслъымэн диным ихьакIэщ, мэжджыту яухуэхэм я бжыгъэми хуэмурэ хохъуэ.  

                                               ЧЭРИМ Марианнэ.

  • 512 просмотров
Поделиться: