Олимп чемпионыр Тимур хегъащIэ

6 августа, 2023 - 08:13

Владикавказ и «Манеж» спорткомплексым щекIуэкIащ «Зэныбжьэгъугъэм и кубок» дунейпсо зэхьэзэхуэ. Абы текIуэныгъэр къыщихьащ ди лъахэгъу бэнакIуэ цIэрыIуэ БищIо Тимур.

Урысей бэнакIуэхэм ящыщу килограмм 74-м нэс зи хьэлъагъхэм я деж зыкъом щIауэ бжьыпэр щызыIэпах адыгэ щIалэ БищIо Тимуррэ Осетие Ищхъэрэ-Аланием щыщ Сидаков Заурбэчрэ. Осетин щIалэм ехъулIэныгъэхэр и куэдщ - ар Олимп чемпионщ, дуней псом тIуэнейрэ щытекIуащ. Дыдейм Дунейпсо кубокыр 2019 гъэм къихьащ. А тIум я зэпэщIэтыныгъэм игъэдэхащ Владикавказ щыIа зэхьэзэхуэр. Абы и финалым щызэхуэзат БищIомрэ Сидаковымрэ. 
Иужь дакъикъэхэр къэсыхукIэ ахэр ерыщу зэпэщIэтащ. Судьям ар иригъэухыным нэблэгъат БищIом Сидаковыр зэрыхигъэщIа Iуэхугъуэр щигъэзэщIам. Арати, 3:2-уэ Тимур текIуэныгъэр зыIэригъэхьащ.
Зи гугъу тщIы зэхьэзэхуэм дыжьын медалыр къыщихьащ ЗакIуу Анзор. КIэух зэIущIэм ар 11:0-у щефIэкIащ Ираным къикIа Элахи ­Эрфан.

КЪЭХЪУН Бэч.
  • 30 просмотров
Поделиться:

Читать также:

03.05.2024 - 09:58 → Балъкъыз Камилэ дыщэ медаль къехь
02.05.2024 - 16:33 → Гуп зэпеуэм щыяпэщ
02.05.2024 - 14:21 → Медаль тIощIрэ бгъурэ
02.05.2024 - 14:15 → Дыщи домбеякъи къахь
29.04.2024 - 12:26 → Дызэрыпагэ гъуащхьэтет