НобэФокIадэм и 15, мэрем Демократием и дунейпсо махуэщ. ООН-м и Ассамблее Нэхъыщхьэм къищта унафэм ипкъ иткIэ ягъэувауэ, 2007 гъэ лъандэрэ ягъэлъапIэ. Дагъыстэным щыпсэу лъэпкъхэм я зэкъуэтыныгъэм и махуэщ 1932 гъэм Къэбэрдей-Балъкъэр къэрал пединститутыр къызэIуахащ. 2000 гъэм Австралием и къалэ Сидней къыщызэIуахащ ХХVII гъэмахуэ Олимп Джэгухэр. Алыдж-урым бэнэкIэмкIэ абы чемпион щыхъуауэ щытащ Къардэн Мурат. 1911 гъэм къалъхуащ философие щIэныгъэхэмкIэ доктор, профессор, КъБР-м щIэныгъэмкIэ щIыхь зиIэ и лэжьакIуэ, блэкIа лIэщIыгъуэм и 50 гъэхэм «Кабардино-Балкарская правда» газетым и редактор нэхъыщхьэу щыта Цавкилов Борис. 1938 гъэм къалъхуащ усакIуэ, критик, литературовед, КъБКъУ-м и доцент Къэжэр Хьэмид. 1946 гъэм къалъхуащ егъэджакIуэ, узэщIакIуэ, зэдзэкIакIуэ, жылагъуэ лэжьакIуэ Хъуажь Фахъри. 1949 гъэм къалъхуащ шэрджэс усакIуэ, журналист Пхъэш МуIэед. УсакIуэ, тхакIуэ, драматург Лыкъуэжь Нелли къыщалъхуа махуэщ. Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 18 - 24-рэ, жэщым градус 15 щыхъунущ. Лъэпкъ Iущыгъэ: Гур кIуэдмэ, шыр жэркъым.
Зыгъэхьэзырар БАГЪЭТЫР Луизэщ.
Поделиться:
Читать также:
06.05.2024 - 13:11 →
НОБЭ
05.05.2024 - 10:00 →
Хьэршым зыщызыгъэкIэрахъуэ уафэщI жьэражьэ
03.05.2024 - 09:08 →
НОБЭ
02.05.2024 - 12:21 →
НОБЭ
27.04.2024 - 09:56 →
НОБЭ
|