Элекрокъарум и уасэр къыхахыж

«Россети Северный Кавказ»-м и къудамэ «Къэббалъкъэнерго»-м иджыблагъэ къипщытыжащ республикэм щыпсэухэм дызэрыт илъэсым и щIышылэ - шыщхьэуIу мазэхэм къриубыдэу ярища электрокъарум и куэдагъыр. А лъэхъэнэм цIыхухэм къагъэсэбэпа электрокъарум къыпэкIуащ сом мелард 1,2-рэ, е псоми зэхэту ягъэсам и процент 98-м хуэкIуэр. 

«Къэббалъкъэнерго»-м и къудамэу Шэджэм, Шэрэдж щIыналъэхэм щыIэхэм лэжьыгъэфIхэр ирагъэкIуэкIащ цIыхухэм къагъэсэбэпа электрокъарум и уасэр и чэзум егъэтыным ехьэлIауэ.
«Россети Северный Кавказ»-м къыхегъэщ электрокъарууэ къагъэсэбэпам и уасэр пIалъэ ягъэувам фIэмыкIыу ятыным куэдкIэ зэрелъытар абы иIэну фIагъымрэ ар зэпымыууэ къыхуаутIыпщынымрэ. Абы къыхэкIыу щIыхуэ зытелъхэм захуегъазэ ямыгъэгувэу ар япшыныжыну, армырамэ, абы ехьэлIауэ щыIэ хабзэу хъуар къагъэсэбэпкIэрэ, Iуэхур суд пащхьэм нагъэсынущ, унэхэм электрокъарур къыхуаутIыпщынукъым. Апхуэдэ ныкъусаныгъэхэр Iуэхум къыхэмыкIын щхьэкIэ электрокъару къагъэсэбэпам хуэза пщIэр мазэм и епщIанэ бжыгъэм фIэмыкIыу етын хуейщ.