ЛIыгъэм и дерс

Урысей гвардием и Управленэу КъБР-м щыIэм и офицер Тубей Аслъэн Кавказым щхьэкIэ екIуэкIа зауэм къыщахьа текIуэныгъэм теухуауэ лIыгъэм и дерс ядригъэкIуэкIащ Налшык къалэм дэт курыт школ №9-м и класс нэхъыжьхэм щеджэхэм. 

 - Хэку зауэшхуэм и Iыхьэ нэхъ гуащIэхэм ящыщу Кавказым щхьэкIэ махуэ 442-кIэ ирагъэкIуэкIа зауэм 1943 гъэм жэпуэгъуэм и 9-м текIуэныгъэр къыщахьащ. Ар куэдкIэ лъабжьэ хуэхъуащ зэрыщыту зауэр зэриухынум. Бийм къехъулIакъым кавказ, каспий щIыдагъэр зыIэщIилъхьэныр. А махуэхэм лIыхъужьыгъэ къэзыгъэлъэгъуахэм я цIэхэр щапхъэщ ди къэралым къулыкъу хуэщIэнымкIэ икIи ди къалэнщ абыхэм я фэеплъыр тхъумэныр, къытщIэхъуэ щIэблэр ди тхыдэм щыдгъэгъуэзэныр, - къыхигъэщащ офицерым. 
 ЗэIущIэм и кIэухым школакIуэхэмрэ егъэджакIуэхэмрэ росгвардейцхэм фIыщIэ хуащIащ дерс купщIафIэм папщIэ.