Щхьэгъум Мурат и фэеплъуБахъсэн щIыналъэм и стадион нэхъыщхьэм щекIуэкIащ ныбжьыщIэхэм мини-футболымкIэ я республикэ зэхьэзэхуэ. Ар и фэеплъу щытащ полицэм и подполковник Щхьэгъум Мурат. Зэхьэзэхуэм кърихьэлIащ 2009 - 2010 гъэхэм къалъхуахэр зыхэта командэу 12 - псори зэхэту сабии 170-рэ. Зэхьэзэхуэхэм къарикIуахэр зэхалъхьэжа нэужь япэ увыпIэр хуагъэфэщащ Налшык и командэм, етIуанэ увыпIэр иратащ Бахъсэн къалэм щыщ цIыкIухэм, ещанэ хъуащ Къубэ-Тэбэ къуажэм къикIа ныбжьыщIэхэр. Зэхьэзэхуэм и топджэгу нэхъыфIу къэлъытащ Къанщауэ Ролан. Бахъсэн щIыналъэм и администрацэм и унафэщIым и къуэдзэ Тохъутэмыщ Мухьэмэд зэхьэзэхуэм кърихьэлIахэм псалъэ гуапэхэр яжриIащ, ныбжьыщIэхэм ехъуэхъуащ я Iэзагъэм хагъэхъуэну, спортым ехъулIэныгъэщIэхэр щызыIэрагъэхьэну, ефIэкIуэну. Зэхьэзэхуэм пашэныгъэр щызыубыдахэм кубокхэр, медалхэр, щIыхь тхылъхэр иратащ. Щхьэгъум Мурат и благъэхэмрэ Iыхьлыхэмрэ фIыщIэ хуащIащ зэпеуэр къызэзыгъэпэщахэм, езыгъэкIуэкIахэм, я щIалэр зэращымыгъупщэм, абы и цIэр зэрагъэлъапIэм папщIэ икIи мамыру, зэгурыIуэу цIыхухэр псэуну зэрагуапэр къыхагъэщащ. БЭВЫКЪУЭ Алыдж.
Поделиться:
Читать также:
07.05.2024 - 15:37 →
Багъ Идаррэ Бекъул Миланэрэ Европэпсо зэпеуэм макIуэ
06.05.2024 - 15:33 →
Тхум щыщу тIум
06.05.2024 - 14:02 →
Спорт хъыбархэр
04.05.2024 - 11:00 →
Урысейм и чемпион Шэрий Иналбэч
03.05.2024 - 17:48 →
Спортсмен цIэрыIуэм и фэеплъу
|