КъБР-м и Iэтащхьэ КIуэкIуэ Казбек Кадыров Рамзан ехъуэхъуащ Шэшэн Республикэм и Iэтащхьэм и хэхыныгъэм зэрыщытекIуамкIэ

«ПщIэ зыхуэсщI си лэжьэгъу икIи си къуэш Кадыров Рамзан Ахъмэт и къуэм сохъуэхъу Шэшэн Республикэм и Iэтащхьэм и хэхыныгъэм нэрылъагъуу зэрыщытекIуамкIэ, - Инстаграмым щиIэ напэкIуэцIым иритхащ КIуэкIуэ Казбек. - Ар унафэщIу зэрылажьэ илъэсхэм къриубыдэу Шэшэн Республикэм и социально-экономикэ зыужьыныгъэм узыщыгуфIыкIын зэхъуэкIыныгъэ инхэр къызэрыщыхъуар и щыхьэтщ политикым икIи унафэщIым зэфIэкIышхуэ зэрыбгъэдэлъым, ар и лъэпкъым зэрыхуэпэжым, щIыналъэм исхэм я псэукIэр адэкIи егъэфIэкIуэнымкIэ абы куэд зэрыхузэфIэкIынум. БлэкIа хэхыныгъэхэм Кадыров Рамзан цIыхубэм дзыхь къызэрыхуащIар, къэралым и унафэщIхэм ар къызэрыдаIыгъар сэбэп хъунущ зэхъуэкIыныгъэфIхэм нэхъри зегъэубгъунымкIэ. Рамзан Ахъмэт и къуэм узыншагъэ быдэ иIэну икIи лэжьыгъэм ехъулIэныгъэ къыщихьыну, Шэшэн Республикэм ис ди къуэш лъэпкъым фIыгъуэрэ ефIэкIуэныгъэр яIэну сохъуэхъу».