Спорт

УФ-м и еджакIуэхэм дзюдомкIэ я 13-нэ Гъэмахуэ спартакиадэм и кIэух зэхьэзэхуэ Армавир къалэм иджыблагъэ щекIуэкIащ. Абы щызэпеуащ ди къэралым и щIыналъэхэм ящыщу 44-м я спортсмену, щIалэхэри хъыджэбзхэри зэхэту, 137-рэ. Зэхьэзэхуэм щагъэджэгуащ медаль комплекту 16 - щIалэхэм щхьэкIэ 9-рэ, хъыджэбзхэм щхьэкIэ 7-рэ.

Къэбэрдей-Балъкъэрым и щIыхьыр иIэту зэпеуэм хэтащ УФ-м спортымкIэ и мастер Унэж Амирлан икIи и хьэлъагъ елъытауэ щыбэна гупым (кг 50) домбеякъ медаль къыщихьащ.

ТопджэгумкIэ дунейпсо зэхьэзэхуэм и кIэух зэпеуэр иухакIэщ. Гъэ къэси хуэдэу, утыкушхуэм хьэл зэхуэмыдэ куэд къигъэнэIуащ, гу ялъыптэху, щапхъэ щIатепхын ядэплъагъуу. 

И ныбжьыр илъэс 38-м иту топджэгушхуэм зэрыхэкIыжыр игъэIуащ адыгэ футболистхэм ящыщу нэхъ лъэщ дыдэ, Израилым и командэ къыхэхам и капитану щыта, Урысей Федерацэм и чемпион хъуа икIи ди къэралым и кубокыр зыIэщIэлъ Натхъуэ Бибрэс. 
Хамэ щIыпIэм къыщалъхуами, адэжь хэкум ар цIэрыIуэ щыхъуащ икIи Къэзан и «Рубин»-мрэ Мэзкуу и ЦСКА-мрэ яхэту Европэм и къэрал куэдым я стадионхэм пщIэрэ щIыхьрэ щиIэу зыкъыщигъэлъэгъуащ. ИужькIэ Алыджым, итIанэ Сербием Iэпхъуэри абыхэми ехъулIэныгъэкIэ щыджэгуащ.

СССР-м спортымкIэ щIыхь зиIэ и мастер, дзюдомкIэ дунейпсо чемпион, Континентхэм я кубокыр тIэунейрэ къэзыхьа, Европэм плIэнейрэ щытекIуа, Совет Союзми апхуэдизрэ щынэхъ лъэща, Лъэцэр (Тлецери) Хьэзрэт къыщалъхуари къыщыхъуари Адыгейм хыхьэ Къэзаныкъуей къуажэращ. ИужькIэ, Краснодар псыхъумапIэр щаухуэм, а жылэр абы щIрагъэлъэфащ. 

Македоние Ищхъэрэм и къалащхьэ Скопье бадзэуэгъуэм и 6 – 12-м щекIуэкIащ зи ныбжьыр илъэс тIощIым щIимыгъуахэм спорт бэнэкIэмкIэ Европэм и зэхьэзэхуэ. Абы кърихьэлIат алыдж-урым бэнэкIэмрэ бэнэкIэ хуитымкIэ щIалэгъуалэм я нэхъ лъэщ дыдэхэр.

   Кикбоксинг

Псыгуэнсу къуажэм хуабжьу зыщиубгъуащ спорт лIэужьыгъуэ зыбжанэм блэкIа лIэщIыгъуэм и бгъущI гъэхэм. Абыхэм щIэуэ къахыхьащ а щIыпIэм щыщ ныбжьыщIэ куэд дэзыхьэха кикбоксингыр. Аращ зи фIыгъэр дуней псом тIэунейрэ и чемпион, Европэмрэ ЩIы хъуреймрэ я кубокыр къэзыхьа, спортымкIэ дунейпсо класс зиIэ мастер Жьанэ Мурат а жылэм къызэрыдэкIар.

Иджыблагъэ дунейм ехыжащ шууей цIэрыIуэ Совет Союзым щэнейрэ и чемпион, Урысей Федерацэм пщыкIухрэ щытекIуа, шы спортымкIэ дунейпсо категорие зиIэ судья, къэралым щIыхь зиIэ и тренер Къуныжь Мухьэрбий. Абы и гъэсэнхэм куэду къахэкIащ Олимп Джэгухэм, дунейпсо, европэпсо, къэралпсо зэпеуэхэм я дыщэ медалхэр къэзыхьахэр.

Урысей Федерацэм и Кавказ Ищхъэрэ, Ипщэ щIыналъэхэм я топджэгу командэ нэхъ лъэщхэр зыхэт зэхьэзэхуэ ещанэ дивизионым щокIуэкI. Мэлыжьыхьым (апрелым) и 4-м щIэзыдза а зэ­пеуэм бжьыпэр щаIыгъщ Псынэдахэ и «Родник»-мрэ Алътуд и «Искра»-мрэ.

Илъэс ипэкIэ мащIэщ ар зыцIыхуу щытар, иджы Урысей ­Федерацэм футболым зыгуэр нэхъ мыхъуми щыхэзыщIыкIхэм я бзэгупэм телъщ. Зи гугъу сщIыр Урысей премьер-лигэм и ­судья нэхъыщхьэ Тэнащ Иналщ.