|
|
Спорт
8 мая, 2026 - 11:44
Европэм и Кубокыр дзюдомкIэ къэхьыным хуэунэтIауэ дунейпсо зэхьэзэхуэхэр щрагъэкIуэкIащ Грузиемрэ Тыркумрэ. Къэбэрдей-Балъкъэрым и спортсменхэм екIуу абыхэм зыкъыщагъэлъэгъуащ икIи УФ-м и командэ къыхэхам медаль зыбжанэ къыхуахьащ.
Я хьэлъагъ елъытауэ зыхэта гупхэм Унэж Темырланрэ Джэданэ Алинэрэ япэ увыпIэхэр щаубыдащ, Хъуран Къантемыр етIуанэ хъуащ. Уэзы Iэдэмрэ Соблыр Атмиррэ ещанэхэщ.
Спортсменхэр зэхьэзэхуэхэм хуагъэхьэзыращ Джэданэхэ Залымрэ Алимрэ, Лукьянов Геннадий, Ким Руслан, Дзухэ Беслъэнрэ Залымрэ.
6 мая, 2026 - 12:59
БоксымкIэ зэпеуэ
Урысей Федерацэм боксымкIэ пашэныгъэр къыщыхьыным хуэунэтIа зэхьэзэхуэ Мэзкуу областым и Чехов къалэм щекIуэкIащ. Абы щызэпеуащ ди къэралым и щIыналъэхэм ящыщу 74-м я спортсмену 552-рэ, я ныбжькIэ илъэс 15-16 хъухэу.
Къэбэрдей-Балъкъэрым и спортсменхэм зэхьэзэхуэм екIуу зыкъыщагъэлъэгъуащ икIи я хьэлъагъ елъытауэ зыхэта гупым япэ увыпIэр къыщихьащ ГъущIапщэ Альберт (кг 60).
Быф Дамир (кг 54-рэ) етIуанэ, Пщынокъуэ Ислъам (кг 52-рэ) ещанэ абы хъуахэщ.
5 мая, 2026 - 07:01
Къэбэрдей-Балъкъэрым курортхэмрэ туризмэмкIэ и министр Быф Аскэр иджыблагъэ зыщигъэгъуэзащ Налшык къалэм и курорт щIыпIэхэм щаухуэ хьэщIэщхэмрэ хьэщIэщ комплексхэмрэ я лэжьыгъэхэр здынэсам.
Абы зригъэщIащ ухуакIуэхэр зыпэрыт проектхэм яIэну инфраструктурэхэр, пэш фондым къыхэхъуэну бжыгъэр, туристхэмрэ республикэм щыпсэухэмрэ я зыгъэпсэхупIэу, нэгузыужьыпIэу щытыну щIыпIэхэм ягъуэтыну теплъэр зыхуэдэнухэр.
5 мая, 2026 - 06:58
Къэбэрдей-Балъкъэрым и къалащхьэм и дахагъэкIэ, и паркхэмрэ жыг хадэ цIыкIухэмкIэ, цIыхухэр куэду щызэхуэс и щIыпIэ зэпэщхэмкIэ къыпэхъун куэд щыIэкъым. ЖыпIэнурамэ, 20I9-2026 гъэхэм къриубыдэу Налшык и уэрамхэм щыхасащ жыгыщIэ зэмылIэужьыгъуэу мини 7-м щIигъу, абы щыщу 481-р - дызэрыт илъэсым.
5 мая, 2026 - 06:00
Налшык къалэм и «Гладиатор» спорт комплексым иджыблагъэ щекIуэкIащ ныбжьыщIэхэм дзюдомкIэ я щIыналъэ зэхьэзэхуэ. Ар и фэеплъу щытащ полицэм и полковник Щоджэн Къадир. Абы щызэпеуащ Кавказ Ищхъэрэм и бэнакIуи 100-м щIигъу.
Удэзыхьэхыу икIи гуащIэу екIуэкIа зэпеуэхэм къарикIуахэр зэхалъхьэжа нэужь наIуэ къызэрыхъуамкIэ, япэ увыпIэр къихьащ «Налшык» спорт клубым. ЕтIуанэ увыпIэр иубыдащ «Дзюдо КъБР» командэм. Ещанэ увыпIэр зэдагуэшащ «ДЛФК», «Локомотив» клубхэм я гъэсэнхэм.
4 мая, 2026 - 13:38
Азием ашихарэ-каратэмкIэ и чемпионатрэ пашэныгъэр къэхьыным хуэунэтIа зэхьэзэхуэрэ Узбекистаным и къалащхьэ Ташкент иджыблагъэ щекIуэкIащ. Абы щызэхуэсат къэрал I3-м я спортсмену 380-рэ. УФ-м и щIыхьыр яIэту зэхьэзэхуэм хэтащ Къэбэрдей-Балъкъэрым и лIыкIуэ зыбжанэ.
4 мая, 2026 - 09:21
 Шэшэн Республикэм щекIуэкIащ киокусинкай – каратемкIэ щIалэгъуалэмрэ сабийхэмрэ я зэхьэзэхуэ зэIуха. Хэгъэрейхэм нэмыщI, абы щызэпеуащ Дагъыстэным, Адыгейм, Къэбэрдей-Балъкъэрым, Ставрополь, Краснодар крайхэм, Астрахань областым я спортсмену, щIалэхэри хъыджэбзхэри зэхэту, 200-м щIигъу.
30 апреля, 2026 - 15:00
ХьэлъэIэтхэр зэпоуэ
Кавказ Ищхъэрэм атлетикэ хьэлъэмкIэ и чемпионатрэ пашэныгъэр къыщыхьыным хуэунэтIа зэхьэзэхуэрэ Налшык къалэм щекIуакIащ. Хэгъэрейхэм нэмыщI, абы щызэпеуащ Осетие Ищхъэрэ – Аланием, Шэшэным, Ингушым, Дагъыстэным, Ставрополь крайм я спортсменхэр, щIалэхэри хъыджэзхэри зэхэту, 100- щIигъу.
Зэхьэзэхуэр къызэрыхахыу щытащ икIи абы къыщыхэжаныкIахэр хэтынущ УФ-м и чемпионатым. АдэкIэ, абы щытекIуахэр къэралым и командэ къыхэхам хагъэхьэнущ.
29 апреля, 2026 - 09:55
Сэтэней и дыщэ медаль
 Кавказ Ищхъэрэм самбэмкIэ пашэныгъэр къыщыхьыным хуэунэтIауэ ныбжьыщIэхэм я зэхьэзэхуэ Шэшэным и Шали къалэм щекIуэкIащ. Абы щызэпеуащ КИФЩI-м и спортсмену, щIалэхэри хъыджбзхэри зэхэту, 250-м щIигъу. Къэбэрдей-Балъкъэрым и щIыхьыр яIэту зэхьэзэхуэм щыIащ щIалэу 40-рэ зы хъыджэбзрэ.
26 апреля, 2026 - 09:26
Урысей Федерацэм тхэквондомкIэ (ГТФ, Олимп джэгухэм хэмыхьэ лIэужьыгъуэмкIэ) и чемпионатрэ пашэныгъэр къыщыхьыным хуэунэтIа зэхьэзэхуэрэ Тэтэрстаным и къалащхьэ Къэзан щекIуэкIащ иджыблагъэ.
Страницы
|
