Спорт

Балъкъэрхэм я къэщIэрэщIэжыныгъэм и махуэр щагъэлъапIэм ирагъэхьэлIэу Нал­шык къалэм и «Гладиатор» спорт комплексым щекIуэкIащ дзюдомкIэ республикэ зэхьэзэхуэ. Абы щызэпеуащ 2010-2011 гъэ­хэм къалъхуа бэнакIуэ ныбжьыщIэхэр икIи я хьэлъагъ елъытауэ ахэр гупибгъуу гуэшауэ щытащ. 

 Карате

Ставрополь щIыналъэм щохьэщIэ

Ставрополь къалэм щекIуэкIащ а щIыналъэм киокусинкай каратемкIэ и зэхьэзэхуэ зэIуха. Хэгъэрейхэм нэмыщI, абы щызэпеуащ Краснодар крайм, Орлов областым, Шэшэным, Дагъыстэным, Адыгейм, Къэбэрдей-Балъкъэрым я спортсмену, щIалэхэри хъыджэбзхэри зэхэту, 300-м щIигъу.

Бахъсэн щIыналъэм щIыпIэ унафэр щызехьэнымкIэ и IуэхущIапIэм пкъыгъасэмрэ (физкультурэмрэ) спортымкIэ IэнатIэм зегъэужьыным теухуа зэIущIэ иджыблагъэ щекIуэкIащ.

Шэджэм щIыналъэм хыхьэ Щхьэлыкъуэ къуажэм и спорт комплексыщIэм къыщызэIуахащ зи Iэпкълъэпкъым сэкъат иIэ сабийхэм хуэщIа спорт лIэужьыгъуэхэм зегъэужьынымкIэ, дзэ Iуэху хэхам хэтахэр реабилитацэ щIынымкIэ центр.
Иджыпсту абы зыщагъасэ зи Iэ-лъакъуэхэр дахэ-дахэу къыдэмыбз сабийуэ 10-м. Абыхэм я Iэпкълъэпкъыр гъэбыдэнымрэ зегъэужьынымрэ хуэгъэпса программэ щхьэхуэхэр ягъэхьэзыращ, спорт тренажерхэр, Iэмэпсымэхэр къащэхуащ.

Террорым и бийуэ

«КъБР-м экстремизмэмрэ терроризмэмрэ щымыгъэIэн» къэрал программэм ипкъ иткIэ «Спортыр террорым и бийщ» фIэщыгъэр зэрихьэу Налшык къалэм и «Гладиатор» спорт комплексым щекIуэкIащ бэнэкIэ лIэужьыгъуэхэмкIэ зэхьэзэхуэ. Ар траухуат терроризмэм пэщIэтынымкIэ Лъэпкъ комитетыр къызэрызэрагъэпэщрэ илъэс 20 зэрырикъум.

2010 гъэм террорист щIэпхъаджащIэхэм яIэщIэкIуэда, подполковник, Май щIыналъэм и хеящIэу щыта Бычэ Джульбер дзюдомкIэ и фэеплъ зэхьэзэхуэ мы гъэм еханэу щекIуэкIащ Налшык къалэм и «Гладиатор» спорт комплексым. 
Абы щызэпеуащ 2010 - 2012 гъэхэм къалъхуа ныбжьыщIэу 250-м щIигъу, Осетие Ищхъэрэ – Аланием къикIахэри яхэту. 

 Кикбоксинг

Къэбэрдей-Балъкъэрым КикбоксингымкIэ и федерацэм зэIущIэ щригъэкIуэкIащ Налшык къалэм и Къэрал концерт гъэлъэгъуапIэм. Абы щыхэплъэжащ нэгъабэ и спортсменхэр зыхэта зэхьэзэхуэхэм щахузэфIэкIам икIи къыхэжаныкIахэр щагъэлъэпIащ.

Федерацэм и тхьэмадэ Къудей Алим къыхигъэщащ илъэс блэкIар я дежкIэ гугъуу щытами, ехъулIэныгъэфIхэр зэраIар. ЖыпIэнурамэ, нэгъабэ щIышылэм Ставрополь щIыналъэм и Кубокыр къэхьыным хуэунэтIауэ Кисловодск къалэм щекIуэкIа зэхьэзэхуэм КъБР-м и командэм етIуанэ увыпIэр щаубыдащ.

 Алыдж-урым

Урысей Федерацэм алыдж-урым бэнэкIэмкIэ пашэныгъэр къыщыхьыным хуэунэтIа зэхьэзэхуэ Ямало-Ненецкэ автономнэ округым и Тарко-Сале къалэм иджыблагъэ щекIуэкIащ. Абы щызэпеуащ ди къэралым и щIыналъэхэм ящыщу 50-м щIигъум я спортсмен 500-м нэблагъэ.

  Къэбэрдей-Балъкъэрым и щIыхьыр иIэту зэпеуэм хэтащ Къазмыхь Сэлим икIи, ди гуапэ зэрыхъущи, килограмм 63-рэ зи хьэлъагъхэм я деж дыщэ медаль къыщихьащ. Ди щIалэм и тренерыр Нэгъуей Азэмэтщ.

 Уэзрокъуэ Минарэ ятокIуэ

Урысейпсо зэпеуэм зыхуагъэхьэзыр

Дагъыстэным иджыблагъэ щекIуэкIащ Кавказ Ищхъэрэм алыдж-урым бэнэкIэмкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ КИФЩI-м и спортсмену 300-м щIигъу, я ныбжькIэ илъэс 16-м щIимыгъуауэ.

Къэбэрдей-Балъкъэрым и бэнакIуэхэм медаль 15 зэхьэзэхуэм къыщахьащ. Зыхэта гупхэм щытекIуащ Хьэбылэ Идар, Чыл Имран, Хъущт Сэлим сымэ.

Дыкъынэ Русланрэ Щынахъуэ Данилрэ дыжьын медалхэр къахьащ.