|
|
Спорт
12 января, 2026 - 15:38
Тэрч районым и спортсмен цIэрыIуэхэр, спортым япэ лъэбакъуэхэр зычауэ 2025 гъэм дунейпсо, урысейпсо утыкушхуэхэм зэфIэкIыфIхэр къыщызыгъэлъэгъуахэр щIыпIэ администрацэм иджыблагъэ щагъэлъэпIащ.
9 января, 2026 - 13:17
Олимп джэгухэм хыхьэ тхэквондо лIэужьыгъуэмкIэ (ВТФ) Европэм пашэныгъэр къыщыхьыным хуэунэтIа зэхьэзэхуэ дыгъэгъазэм и 11 - 14-хэм Косовэм и къалащхьэ Приштинэ щекIуэкIащ.
7 января, 2026 - 10:09
 Спортым ехъулIэныгъэфIхэр къыщызыгъэлъагъуэ щIалэщ Лэскэн районым хыхьэ Хьэтуей къуажэм щыщ ЩхьэщэмыщI Рэмэзан. Мы махуэхэм абы и текIуэныгъэхэм къахэхъуащ – Хьэрып Эмират Зэгуэтхэм я Эль-Фуджейрэ къалэм бгырыпх бэнэкIэмкIэ щекIуэкIа дунейпсо чемпионатым бжьыпэр щиубыдащ икIи Урысейм дыщэ медалыр къыхуихьащ. Зэхьэзэхуэм ЩхьэщэмыщIым наIуэ щищIащ а спорт унэтIыныгъэмкIэ дуней псом зэфIэкI нэхъ лъагэ дыдэ зэрыщиIэр.
30 декабря, 2025 - 06:58
Урысей Федерацэм алыдж-урым бэнэкIэмкIэ щIыхь зиIэ и тренер Самургашев Вартарес и фэеплъ зэхьэзэхуэ Дон Iус Ростов къалэм и «Геркулес» спорт комплексым мы махуэхэм щекIуэкIащ. Абы щызэпеуащ ди къэралым и щIыналъэхэм ящыщу 23-м я спортсмену 147-рэ.
Къэбэрдей-Балъкъэрым и щIыхьыр яIэту зэхьэзэхуэм бэнакIуэу 6 щыIащ икIи зэфIэкIыфIхэр абы къыщагъэлъэгъуащ. ЖыпIэнурамэ, Тау Алимрэ КъуийцIыкIу Ахьмэдрэ я хьэлъагъ елъытауэ зыхэта гупхэм япэ увыпIэхэр къыщахьащ, Щомахуэ Албиян ещанэ хъуащ.
28 декабря, 2025 - 10:31
Олимп джэгухэм бэнэкIэ хуитымкIэ я чемпион Сидаков Заурбэч, дунейпсо чемпионатым къыщыхэжаныкIа Шэрий Иналбэч, УФ-м спортымкIэ и мастер Хадарцев Алик сымэ Кэнжэ къуажэм дэт «Вымпел» спорт комплексым мастер-классхэр щрагъэкIуэкIащ япэ лъэбакъуэхэр спортым хэзычэ бэнакIуэ ныбжьыщIэхэм папщIэ.
28 декабря, 2025 - 08:29
Урысей Федерацэм футболымкIэ и етIуанэ лигэм и «Б» дивизионым и Япэ гупым мы гъэм щекIуэкIа зэхьэзэхуэм щыкIуэцIрыхуа «Спартак-Налшыкым» 2026 гъэм щыIэну зэпеуэм пасэу зыхуэгъэхьэзы-рын щIидзащ.
26 декабря, 2025 - 11:06
Олимп джэгухэм хыхьэ тхэквондо лIэужьыгъуэмкIэ (ВТФ) Урысей Федерацэм и чемпионатрэ (я Iэпкълъэпкъым сэкъат зиIэ спортсменхэрщ зэпеуар) «Iуащхьэмахуэм и Кубокыр» къэхьыным хуэунэтIа зэхьэзэхуэрэ Налшык къалэм и «Гладиатор» спорт комплексым иджыблагъэ щекIуэкIащ.
Чемпионатым хэтащ УФ-м и щIыналъэхэм ящыщу 17-м я спортсмен 71-рэ. Абы щытекIуа, Дагъыстэным и лIыкIуэ Магомедов Щамил къыхигъэщащ Кавказ Ищхъэрэм щрагъэкIуэкI зэхьэзэхуэхэм бжьыпэр щыбубыдыну зэрымытыншыр, уи зэфIэкIымрэ Iэзагъымрэ я гъэунэхупIэу сыт щыгъуи ахэр зэрыщытыр.
26 декабря, 2025 - 10:00
«Локодзюдо» фIэщыгъэр зэрихьэу дзюдомкIэ Iыхьэ куэду зэхэт зэхьэзэхуэхэм ящыщ зым Налшык къалэм и «Локомотив» спорт клубым и бэнакIуэ ныбжьыщIэхэм ехъулIэныгъэфIхэр щызыIэрагъэхьащ, къитащ Къэбэрдей-Балъкъэрым СпортымкIэ и министерствэм. Зэхьэзэхуэр щекIуэкIар Челябинск къалэрщ.
Зыхэта гупхэм япэ увыпIэхэр къыщахьащ Джафаров Инал, Къэжэр Самир, Срыкъуэ Ахьмэд, Мисиров Мансур, Къунаш Дамир сымэ. Щокъуий Ренатрэ Шишхов Инверрэ етIуанэ хъуахэщ. Биттиров Эмирхъан, Щоджэн Къаплъэн, ГъущIо Iэдэм сымэ домбеякъ медалхэр къахьащ.
25 декабря, 2025 - 14:30
Олимп джэгухэм бэнэкIэ хуитымкIэ дыжьын медаль къыщызыхьа Картоев Калой и щIыхькIэ Ингушым и къалащхьэ Магас иджыблагъэ щекIуэкIа, щIыналъэхэм я зэхьэзэхуэм къыщыхэжаныкIащ Бахъсэн къалэм и спорт еджапIэм и гъэсэнхэр.
Зэхьэзэхуэм хэтащ къэралым и щIыналъэхэм я бэнакIуэу 100-м щIигъу, я ныбжькIэ илъэс 18-м щIимыгъуауэ икIи ахэр щIэбэнащ медаль комплекту 11-м.
23 декабря, 2025 - 14:30
Налшык къалэм и «Гладиатор» спорт комплексым иджыблагъэ щекIуэкIащ ММА-мкIэ зэхьэзэхуэ зэIуха. Абы щызэпеуащ Къэбэрдей-Балъкъэрым, Къэрэшей-Шэрджэсым, Дагъыстэным, Шэшэным, Осетие Ищхъэрэ – Аланием, Ставрополь крайм я спортсмен 36-рэ. Абыхэм яхэтащ Афганистаным къикIа хьэщIэхэри.
Страницы
|
